Kadal manush birin te njerin jekh medaljo

Athlekako ljumako khelipe

2:31 min

Tehara savatone lel pe ljumako khelipe ande athletika - friidrotts VM ande Moska.

Karring 20 svedanura lena participatcia ande differentne athletikake sportura thaj e shvedanura achiaren pe mishto angla kado ljumako khelipe.

Friidrotts VM djal sako dujto bersh thaj si o maj baro sportosko khelipe pala olympiada.

1983 sas o angluno inkerdo athetikako ljumako khelipe ando Helsingfors, ke kote shute pe sa e athletikake sportura ande jekh than thaj inkerde pe o baro khelipe intrego ljumake.

Angla kado data inkrelas sako sporto pesko ljumako khelipe ande differentne thana.

Shvedo las participatcia ande sa ljumake khelimata thaj o resultato nas mindik lashio.

Patrik Sjöberg las o angluno sumnakuno medalji ande atlethikako khelipe ando bersh 1987 ando Rom.

Pala kado las o shvedo feri 14 medaljura thaj maj lasho khelipe sas ando bersh 2003 so sas ande Paris khaj o Shvedo njerisardas 5 medaljura.

Kote njerisardas o Shedo 2 sumnakune, 1 rupuno, thaj 2 bronz medaljura.

Kana lela pe tehara e ljumako khelipe ande Moskva chi mezij pe ke o Shvedo birija te lel but medaljura.

Numa si vi kade chansa pe duj medaljura phenel o Bengt Skött so si reporteri po shvedicko radio po radiosporten.

Pachal pe ke e Abeba Aregawi birija te lel medaljo thaj si vi chansa pe sumnakuno medaljo.

Voj kerdjilas shvedicko citizentka ando bersh 2012 Voj avel maj anglal anda Etiopia thaj voj si rankovano sar e maj lashie djuvlia pe lako sporto so si 1500 metro nashipe.

Si vi ghindo ke e Emma Green Tregaro birija te lel jekh medaljo.

Thaj kadale dujen shaja e manush te dikhen pe zoja po kaver kurko phenel o Bengt Skött anda Radiosporten.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista