Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
nationalno

"Gipzy Beef Pasta" si kudo dikriminatzia kharing romen?

Publicime tisdag 13 augusti 2013 kl 10.00
"Gipsy Beef Pasta"
(4:50 min)
"Gipsy Beef Pasta" si kudo diskriminatzia?

Kado kurko sas e romni Viktoria ando Eskilstuna lako romesa. Von duj kamensa te jan te xan variso numa chi janenas so te xan. Arisle kaj jekh resturano savo si akardo Royal Oak. E Viktoria lape te ginel o meny so sas avrial o resturano kana dikla variso so nas lake drago.

- Sar dikav pe o meny dikav ke ramolpe "Gipzy Beef Pasta", kado nas mange pra drago kana gindem. Me aljarav ke kam chi khamenas nasul e manush kaj dine o anav kaj o chabe aj kaj silen o resturano numa mange kado chi ashundjolas vorta ande more kan.

E Viktoria majdur phenel ke voj chi janel sar te jal angle o manush kadalesa ke voj phenel ke varikaj kado naj vorta aj ke manush kaj kheren butchi kon e romani puchimata aljaren ke kado shaj del effekto pe romen so kam ginen kado.

O Shaim si o cheffo pe kado resturano aj vo kadja phenda kana ashunda sar e Viktoria aljarda kana ginda kado meny avrial o resturano.

- Ame nas ame chore gindoria kana todam o anav pe kado xabe. Amen si ame rom anda anglia save aven katka butivar aj von chi reaktulisarde kadja but sar kado romni. Katka shaj avel kon khamel te xal aj te pijel aj khatar avel aj sosko raso si amenge naj avriso so ame dikhas, amenge importantno si te aljarel savore michto kana aven khatka.

Vo vi phenel ke sostar von tode kado anav si pala kudo ke kado si jekh fotbollosko pubo vaj restaurano aj katka aven but rom vaj travelers ando Anglia aj Iralando so si lengo regularno kundri aj anda kudo sas kado xabe dino o anav te vasden kadala romen so si lenge but drago.

E Viktoriako puchimata sas te si kado variso so o DO diskrimineringsombudsmannen shaj vasden lake aj te kheren jekh case anda. Ame dam duma kon o Clas Lundstedt kaj kherel butchi pe o DO aj vo kadja phenda pa kado incidento.

- Ame nashtis te phenas direktno ke kado si variso so ame sas te ginas sar jekh dikriminatsia so e juvli aljarda. Aj kado si variso so amenge nas kadja importantno ame gindis ke si but maj importantno puchimata te vasdas so si kharing e rom so ame tas butchi kharing.

Majdur phenel o Clas Lundstedt sar te jal angle e juvli te si ke voj khamel te avel diklino kado incidento vaj te si ke varikon khamel te del opre variso so khamen te avel vasdino khatar o DO.

- Te si e manushes jekh komputero attunchi shaj den andre pe amaro intenetosko rik aj kotche shaj arakhen jekh formulero so shaj ramon andre te vasden jekh incidento vaj te si ke trubul jutimos attunchi vi shaj len amentza kontako pe telefono.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".