Jek baro rodipe kharing o mobbning khaj o Friends kherdas sikhavel ke o problemo dosta baroj maj dor. Foto: Fredrik Sandberg / Scanpix

Sako panshto shavoro si mobbad

Mobbning ande skholi
4:07 min

Maj dor dosta baroj o mobbning ande skhola. 17 procenti anda e studentura anda le klassi 1 zi khaj le 6 nakhle jek kränkning khatar jek khaver studento ando paluno bersh sikhavel o rapportok haj o Friends kherdas khado bersh, ande khado rodipe pushle 37 000 ternimatondar.

Le kränkningar khaj dukhaven jek khaveres vorbenca, vaj psykiskt si maj but khatar e tritto klassa zi ande sovto, aj atunchi nakhlas sako shtarto shavoro khado. No ferik ke si vi khaver kränkning sar ke maren le shavoren. O Lars Arrhenius si o sherutno anda e organizacia Friends khaj kherde khado rodipe aj vov phenel ke khado problemo si zurales baro.

Khado si jek baro rodipe khaj ame kherdam phenel o Arrhenius, jek rodipe khaj sikhavel ke sako panshto shavoro nakhel khasave kränkningar, aj khado si jek baro problemo phenel o Lars Arrhenius khana sas po SVT adjes

O manush vorbij pa kränkningar, aj khana hasnij o manush khado ande skolako temato, si khado mobbning, aj te nakhlamas ame khaj kheras buchi khado ande amaro vardag, chi avilo chi soski vorba, ke khado kherdo problemo aj vi pinzaradames les khade. No ferik ke ande skholi kherdzilas varesar jek acceptans, sar bish te avilo slobodo te kheren le shavora khade jek jekhesa phenel o Lars Arrhenius.

Ande khado raporto sikhade ke kharing le 7 procenti anda le shavora acharen khade ke o personalo ande skholi kherdas le kränka.

Aj ke 9 procenti nakhle khodo k evarekon shutas patreto vaj video pe le po internet, khaj von chi khamenas te shon. AJ pashi sako trito anda le studentura phenel ke naj le khasa te vorbin te si khade ke kherde khasavo kränkning ke po internet shute le videura vaj patretura.

Jek siffra khaj si importantno le Lars Arrheniusoske si khodi khaj sikhavel ke feri sako dujto sicharutno lel initiativa aj lherel vareso khana dikhel ke mobba kheren jekhe shavores.

Aj te kheren mobba shavores, si but droma, shaj vi vorbenca, vi psykiskt aj vi fysiskt dukhaven le shavoren phenel o Lars Arrhenius khana kherde les intervjua ando SVT

Khado rodipe naj o angluno khaj von kherde aj chi o paluno, so si, si ke khado si dosta baro, aj khadale rodimasa khamen le manush anda Friends te sikhaven sar baroj o problemo ande skholi aj ke trubuj te len khado po baro.

No sar tenna avel loshakej e majoriteta anda le studentura, khana pushen lendar pa skhola, kharing le 85 procenti si zurales nöjda, aj 20 procenti acharen pe ekzene univar.

Po pushipe save tana ande skola si le maj otrygga phende le shavora ke le lanzinki, kothe khaj site pharuves gada, aj po trito than la skholake korridorura aj vi o skolgård.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".