Rom khaj si avri shudine anda Högdalen Foto:Peter Lindberg/Radio Romano

Rom avri shudine anda vesh

Rom avri shudine
5:48 min

Kronofogden das e romen informatcia ande e vesha so si ande Högdalen, Stockholm.

But rom so trajinas ando vesh mukle o vesh, numa o Kronofogden arakle jekh kaver romano than thaj dine len informatcia ke vi von musaj te mukhen o than.

Romani redaktcia tradas kote po than.

Kana ame areslam ando Högdalen khaj sas e rom te aven avri shudine khatar o Kronofogden diklam ame 3 vurdona.

1 policiako vurdon, 1 kronofogden vurdon thaj 1 vurdon khatar socialo.

E Angelika Lavika mezijas nervozno kana ame areslam thaj chi djanelas inke so kote kerdas pe khaj e policia thaj o kaver manush anda kronofogden sas.

Ame lam te djas pe jekh cino dromoro andre ando khindo vesh, pala 30 metri diklam 4 manushen te aven avri anda Vesh.

Duj anda Policia thaj duj anda Kronofogden.

E policia chi kamle te vorbin ando radio numa phende ke von kote feri avile te dikhen te na avel problemo thaj ke von mindik aven e manushenca anda Kronofogden kana von si te shuden avri manushen anda lengo kher vaj kate e romen anda vesh.

Peter Geidemark Kerel buci po kronofogden, vov phenel ke von avile kote chachimasa te shuden avri romen so trajinas 200 metri maj andre ando Vesh numa kana von dikle ke kodol rom nas po than bolde pe von palpale thaj atunci arakle von kadale romen so trajin pe jekh kaver than ando Vesh.

Ke kadal rom nas ande angluno plano chi birij o Kronofogden te shuden len avri zorasa adjes, von musaj akanak te startulin jekh nevi processa khaj djala karring jekh kurko thaj te avna e rom maj dur kate ando Vesh avna von palpale thaj shudena len avri zorasa anda vesh.

Ame gelam khatar o Peter Geidemark thaj gelam 50 metri maj andre ando vesh, anglunimastar chi diciolas kanchi, feri tule kopachia thaj kranzji patrenca.

Pala maj but phiripe shundam ame e manushen so kote trajinas, pashilam pasha e romenge cerhi khaj sas kote opre shutine thaj lam te vorbisaras e romenca po than te dikhas sar von reagulin pe kado ke von musaj te djan.

E phuri romni achiardas pala jekh vrama ke lenge avla musaj te mukhen kado tela jekh skurto vrama thaj sikadas ke voj sas brigaki.

Sar ame djasastar khatar e rom diklam jekha djuvlia khaj avlas karring e rom.

Sikadjilas pe ke e djuvli bushiolas Gunilla Ekstrand thaj ke voj si avdelningschef po individ och omsorg khaj e årsta vantör sdf.

Voj phendas ke voj djanel ke e rom trajin ando Vesh thaj ke kodo si tragicno. Voj achiarel ke trobuj kadale manushen zhutipe, numa o zhutipe so o socialo birij te kerel si kodo te den ekcera habe thaj te zhutin e manushen te boldaven pe palpale ande Rumunia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".