Aregawi nirij sumnakuno tan le Shvedoske

2:32 min

Pastchi intrego Shvedo bizijaspe ke e Abeba Aregawi site lel o angluno tan, vm guld ande Moskva. Aj voj las aj nirisardas, nashlas 1500 meteri aj khade las o angluno tan.

E tempo nas ucho vaj siggo aj khana inke ashile duvar te nashen krujal e arena, las e Shvedojka pherdal o dujto tan. Khana ashilasas 300 metri las e Aregawi aj das zor, aj khade las perdal o angluno tan, aj inkerdas les zi po agor vorta angla e amerikanka.

-zurales loshaki sim akhana. Le 200 ostatni metri gele zurales sigo. Uni zi bizdenas ma, aj univar musajas mange te dikhav po baro skärm te dikhav sar khado inkerdjol aj khajle le khaver khaj nashen phala mande, phenel e Abeba Aregawi ando Radiosporten.

E vrama khaj las lake te nashel khado si 4.02.69 sekundi. Aj khade las e 23 bershengi Shvedojka o VM-Guld.

Kharing le 12 pe rachate zojine, line te inkren sar jek celebracia la Aregawiake pe le Shvedongo hotelo kothe. Aj kothe sitan but anda le themeski gruppa, aj vi le sherutne anda o förbund sitan po than.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista