Fredrik Reinfeldt inkrel o khidipe aj peski milajeski vorba. Foto: Anders Wiklund/Scanpix

Reinfedlt phenel ke hyckleri pe le socialnidemokratura

A vänsterpartiako sherutno o Jonas Sjöstedt inkerdas peski milajeski vorba arachi kurke pala mizmeri. Aj pa sos vorbijas sas pa nirishago ando välfärden.

O Jonas Sjöstedt vi vazdas o gruvnäring aj shutas vi uni neve proposazlura, sar exemplo kodo ke chi trubujas te avel slobodo te kheren prospektering pe le mineralura kothe khaj si naturskydds tana, aj vi maj zurale regulura kharing le gruvfirmi khaj khamen te vazden ando Shvedo.

Ande peski vorba vi das kritika le statsministros o Fredrik Reinfeldt anda o panshto jobbskatteavdrag.

Phendas o Jonas Sjöstedt, no savatone khana o Reinfeldt inkerdas peski milajeski vorba, vorbijas vov paschi feri pa khado, o panshto jobbskatteavdrag

Vov sar mindikh inkerdas khado khidipe ando Gustavsberg nador anda Stockholmo.

O Stefan Löfven phendas, ke khana khado sa po thani atunchi kothej te ashel. Aj me chi acharav khado, sar shaj avel khade ke khana ame shuvas jek proposalo, chi trubuj khado khanikas aj khana nakhel o proposalo atunchi khade importantnoj ke nashti mukhas khado te hasajvel, acharen tume khado gindo? Fajma na, uzo hohajipej khado phendas o Fredrik Reinfeldt.

16 miljardura koroni khamen le moderatura te hasnin te shaj cinaren le inkomstskatura po khaver bersh. O panshto jobbskatteavdrag site kherel 12 miljardura.

Le socialni demokratura kriticnij kharing o panshto jobbskatteavdrag. Von ande pesko alternativa budgeto prezentulisarde ke khadal love trubunas ando offentliga sektoro te shon maj feder.

Von vi phende ke chi lena tele o skattesänkning te avla khade ke von nirina o alosaripe po khaver bersh, aj pe khado phendas o Reinfeldt ke jek hohavni politika inkren te shaj phenes khade…

Aj pe khado komentaro avilas jek kontra dosta siggo, e Magdalena Andersson khaj si e ekonomiskpolitiska talesperson anda le Socialnidemokratura phendas ke khado si te shudes atomovi bombi pek galzuno kher.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".