Terne rom po RUF khedipe

Terne romane ambasadorura

RUF
4:00 min

Romska ungdomsförbundet si e terne romengi maj bari organizatcia ando Shvedo.
E organizatcia kerel buci de khatar o bersh 2000 thaj kamel te zhutij romane ternimata ando Shvedo te birin maj feder te keren buci ando shvedico samhälle.

Na durmut las e organizatcia 940 000 koroni khatar Ungdomsförbundet pe jekh projekta khaj si te kerel te aven terne romane ambasaderura khaj birina te ingren e romani strategia maj feder e terne romenge.

Erland Kaladras khaj si sherutno po Romska ungdomsförbundet phenel ke trobuj te aven terne rom khaj keren kado ke von birin te vorbin jekh maj achiardi chib kodole romenca khaj si maj terne.

Romska ungdomsförbundet las 940 000 koroni khatar Ungdomsstyrelsen pe jekh projekta khaj si te aven terne romane ambasaderura ando Shvedo khaj ingrena e vorba pa romani inkludatcia so o Shvedicko regeriungo vazdas pe romani strategia.

E 5 komuni so o Erland Kaldaras phenel si Luleå, Linköping, Göteborg, Helsingborg thaj Malmö thaj kote si te zumavel pe te vazdel pe opre e terne romengi partecepatcia ande romani strategia.

Thaj kadal terne ambasaderura inkrena pe khatar 16-25 bersh thaj boldela pe vi khaj kadi grupa.

Erland Kaldaras phenel ke vov kamel te aven e terne ande kadi buci ke von achiaren pe maj feder sar kana avel jekh maj phuro thaj vorbij maj ternenge numa djanel vi kodo ke kadal manush kam avna terne numa phenel vi kodo ke kadal bersh ginadjion vorta sar e ternimatonge bersh ando shvedo.

Romska Ungdomsförbundet keren bucia diferentne projektonca thaj diferentne aktivitentonca. Von kamen te sitcion e terne rom jekh kaverestar e experienci so si ande e shvedicko samhälle thaj ande diferentne marketi numa jekh buci so lenge si vazno si vi kodo te inkren e terne rom pengo romanipe thaj te sikaven pengo romano identiteto.

Ke kodo birija te vazdel jekh maj lashio drom khaj integratcia thaj acceptatcia ando Shvedo.

Sako bersh inkrel e organizatcia jekh bari konferencia khaj e terne rom anda intrego shvedo len participatcia thaj inkren thaj kado bersh avla e tema pa romani strategia thaj e terne ambasaderura inkrena e voba pe jekh kasavi chib te birin sa e terne rom so kote avna te achiaren kodo so von phenen.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".