Foto: Janerik Henriksson/Scanpix.

Skola lel pe akanak

Skolako starto
5:14 min

Kado kurko len pe e skoli krujal ando Shvedo, but chavora djukaren akanak te len te phiren thaj te sitcjion neve bucia thaj te beshen pale ande skolake sali sako luja zhi khaj parashtuj.

Numa sar dikhen e romane chavora pe kadi nevi skolaki vrama?

Pala jekh shukar milaj shaj kodo te avel ekcera phares, phenel o terno chavo o Erland.

Skola lel pe thaj but romane chavora si te djan te sitcion kana lel pe jekh nevi termina.

E chavora loshan numa pala jekh shukar milaj si lenge phares te ushtjen pale tetehara thaj akanak len pe e skolake rutini kusa sa e sitjiarimata thaj sa e lexi khaj e chavora musaj te keren.

Ande Kista khaj si ando stockholm trajij jekh romani familja kusa 3 chavora kote phiren savorri ande skola.

Kana ame avas kote beshel e Lovisa thaj lake pral o Antonio thaj o Rafal ande kuhnia thaj han habe.

E Lovisa si te lel te djal ande 6 klassa thaj voj si nervozno ke voj si te djal ande jekh nevi skola.

Lovisa asal thaj phenel ke voj sitjiol mishto ande skola thaj ke lake naj kanchi pharo ande skola.

Lovisako pral o Antonio si te djal akanak ande 7 klassa, vi leske si drago e skola numa na kade sar leska pake.

Vov phenel ke leske si ekcera phares ande skola numa ke e gymnastika si leske maj drago.

Antonio phenel vi kodo ke vi te sas leske ekcera phares ande skola kerla vov maj but buci kado bersh te sitciol maj feder ke nas les kasave zurale betyg ande 6 klassa thaj phenel ke akanak lela vov sa A ande betyg.

Maj phuro pral ande kadi familja si o Rafal. Vov las te phirel akanak po Gymnasium, pe jekh sportovo gymnasium ke vov kamel te asiol proffs ande pesko sporto.

Sa e chavora phenen ke si ekcera brigake ke o milaj agorij pe akanak thaj ke von si te djan ande skola.

Numa lengi dej e charlejka loshal maj but ke von si te len te phiren ande skola, ke lake sas kado milaj lungo e chavorenca khaj beshnas intrege raciansa opre thaj sovnas but thaj meljarnas ando kher kana len sas o sommar lov.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".