Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Kames te dicios pa intrego ljuma?

Publicime onsdag 21 augusti 2013 kl 10.35
Intrego ljuma
4:10 min
Foto: Felipe Dana/Scanpix

Si tuke drago fotboll thaj mindig sas tut jekh fantazia ke vorta tu kelesa fotboll ande jekh bari reklama so djal angla fotbolls vm ande intrego ljuma.

Shiov o khan thaj shun akanak ke akanak si e romen chansa te aven andre ande jekh bari reklama khatar jekh bari firma so kerel gugle paja.

O romano journalista o Jake Bowers anda Anglia inkrel o rodipe thaj kamel akanak te arakhel romane chaven thaj chejan so djanen te kelen fotboll.

Jake Bowers phenel ke akanak si e romane fotballeron chansa te sikaven pe ande jekh bari ljumaki reklama ke akanak rodel jekh bari firma e romane fotballeron ande intrego europa.

Vov phenel ke jekh firma vorbisarde leste thaj mangen maj feder romen sar pindjarde fotballeron anda pindjarde thema.

Jake Bowers phenel ke vov djanel ke si but romane fotballerura ande intrego europa khaj si teknicne thaj djanen te kelen mishto thaj phenel vi kodo ke vov djanel ke naj bute romen chansa pe kado.

Vov phenel ke von keren akanak buci te roden kadale romane talanton. Zhi akanak nakle von ande Anglia thaj akanak roden von vi anda kaver thema.

Vov si te tradel ande Rumunia thaj ande Macedonia numa phenel ke von roden vi ande kaver thema.

Jake Bowers phenel vi kodo ke naj musaj o fotablleri te avel proffersionalno vaj te djanel te kelel super mishto, feri ke sako jekh kon kamel shaj te len lenca kontakto pe kadi buci.

Von djanen ke si zurales but romane fotballera ande intrego Europa thaj ande uni thema si vi romane klubbura khaj khelen fotboll.

O Jake Bowers phenel ke mishto avilov te si varisave klubbura khaj inkren bute romane fotballeron khaj len lesa kontakto numa phenel vi kodo ke te si varikhon kon kamel te zumavel peski baht trobuj te lel lesa kontakto.

Ke te si varikhon interessovano khatar kado trobuj o manush te lel lesa sigo kontakto ke kado si te avel gata pa duj kurke.

Jake Bowers phenel ke vov kamel te del kadi informatcia e romenge ke vov achiarel ke kado si jekh lashi chansa e romenge ande Europa te birin te sikaven e romen. Vov djanel ke e rom nakhen but chorrimata akanak ande intrego europa thaj phenel ke kadi reklama vazdela e romen ande intrego ljuma ke kadi reklama djala ande intrego ljuma kana o fotbolls vm djala ande Brazilia 2014.

Pasha e rom avna vi kaver natci so kerna kaver reklami so avna mukle tela kadi vrama thaj kodol avna manush anda Palestina, anda e Brazilia thaj anda Japonia thaj sa kadal manush diciona butivar ande intrego ljuma intensivne ande but medialne programura.

Jake Bowers phenel vi kodo ke kadi chansa si zurales lashi ke akanak birina e rom te sikaven pe ke naj mindik e romen kadi chansa te sikaven ke djanen te khelen fotboll thaj pasha kodo te phenen ke von si rom thaj naj musaj te garaven pengo romanipe.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".