Terno vänsterpolitiko mudardo ande Somalia

Arachi birisardan te ginaven pe amari patrin ke o 24 bershengo Abdirahim Hassan anda Husby mulas desar dine les puske ando sherutno foro ande Somalia ando Magodishu. Aj tela khado atacko dine puske vi la Ann-Margarethe Livh khaj si la vänsterpartiaki gruppledare, khana trade ande Somlia pek visita, aj voj phenel le ekoske pa o atacko, ke sar tradenas ande peski matora, avilas hirtelen jek khaver vurdon aj zumavelas te tradel le tele pa drom.

Pherdo mursh dinne avri anda khaver matora, aj zumavenas te cirden ma andre ande peski matora, Me zumavos te inkrav sa so birijas khatar amari matora, aj khade vi achardem sard enas puske aj sar folijas o rat, aj vi sar le khaver manush ande amari matora sas puske dine, phenel voj le ekoske.

E Ann-Margarehte Livh khaj si e sherutni anda a Vänsterpartiako internationalno forum, tradas ande Somalia ando Mogadishu, jekha terna grupasa anda Rinkeby te dikhen sar jek zutimasko projekto inkerdjol kothe po than. Arachi pala mizmeri inkrelas voj sar jek seminarium ando universiteto kothe ando Mogadishu, aj khana e gruppa sas te tradel phalpale ando hotelo, atunchi linne le khaver manush te attackulin le.

O terno vänsterpartiako politiko o Abdiraham Hassan, aj vi jek säkerhetsvakt sas mudarde ande khado atacko,

E margarethe Livh chi dukadzilas khade zurales, aj sar si akhana den la zhutipe ande bolnica ando Nairobi ande Kenya.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".