Foto: Malte Lindahl/Sveriges Radio.

San tu gazda pe chiro telefono?

San tu gazda?
6:47 min

Si tut jekh mobilno telefono? San tu gazda pe chiro telefono?

Atunci san tu normalno...

Ando paluno bersh skirisadas post och telestyrelsen ke ando bersh 2012 ando shion juni sas opral 13 miljonura mobilne abonemangurna bikinde ando shvedo.

Kodo znacij ke maj but mobilne abonemangura si ando shvedo sar narodo ando them.

O mobilno telefono si jekh vazno instrumento ande adjesutni ljuma numa vi te si kado jekh lashio instrumento kerel kado telefono vi problemura ande manushenge trajura....

But manush chi birin te mukhen penge telefunoa pendar

Ke adjes musaj o manush te vazdel pesko telefono ke kado si djukardo khatar e manush, kado phenel e Lena Cronqvist khaj si familjepedagog.

Lena Cronqvist khaj si familjepedagogo phenel ke e manush trajin penge telefononca intrego vrama ke von daran ke shaj te hasaren variso thaj ke chi lena kodi informatcia so vorta tela kodi sekunda si vazno.

Daniel si jekh romano chavo khaj trajij ando stockholm vav si 20 bershengo thaj vov trajij peske telefonosa, soha chi mudarel les thaj mindig lel sama pala pesko telefono te avel but bateria ande leste ke vov kamel mindig te avel uppdaterad thaj te djanel so kerel mashkar leske manush thaj krujal ande ljuma.

Kana ame avas leste si vov thaj leski mami kere, thaj vov sikavel loshasa e neve romane djila po Youtube pe pesko nevo telefono.

O mobilno telefono si jekh instrumento khaj si savorende thaj e terne manush so arakhadjile ande e 90 bersh barile kadale instrumentosa von chi achiaren ke kado kommunikatciako instrumento avilas khaj e normalne manush ande e 90 bersh.

Adjes naj o Mobilno telefono feri jekh telefono khaj feri vorbis pa leste feri o mobilno telefono si jekh multimedialno intrumento khaj birij te kerel but bucia thaj kodo lel but vrama katar e manush.

Danjel beshel peske ande kuhnjia thaj kikidel pe pesko telefono thaj phenel ke les musaj te avel jekh telefono ke bi lesko chi birij vov te trajij.

Mobilno telefono lel but vrama adjes khatar e manush

Kado lel kade but vrama ke e manush chi achiaren korkori sode vrama von hasaren thaj mindig achiaren e manush ke von musaj te vazden.

Jekh rodipe so sas kerdo ande amerika khatar e analyzaki firma Flurry Analytics sikadas ke miljonura amerikanura beshen karring 2,5 chasura sako djes angla pesko telefono vaj surfplatta sar kado mezij pe ando shvedo chi djanel pe ke nas kasave rodimata ando them.

Adjes si phares te arakhel pe manushen khaj naj mobilne telefonura numa o Daniel phenel ke leski mami so si lesa ando kher chi piravel telefono.

Leski mami bushiol Paraciva thaj si opral 60 bershengi thaj vov asal kana pushav la pa mobilno telefono thaj phenel ke si la jekh purano mobilo numa ke voj chi uzhivali les, o telefono pashliol mudardo ke voj chi serel khaj si o laddare khaj o telefono.

E Paraciva phenel vi kodo ke interesne si kadal telefonura numa ke voj chi achiarel pe lende, voj phenel ke e tekninka naklas la thaj na feri la feri bute manushen so chi nakle e skola.

Thaj kado phenel vi e familjepedagogen Lena Cronqvist ke djal te trajij pe vi adjes vi te na si jekhe manushes jekh mobilno telefono, numa kodo si zurales phares ande andjesutni ljuma.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".