Florin Cioba.

Le romengo kraj mulas

Florin Cioba romano kraj anda Rumunia
6:02 min

Florin Cioba pindzardo sar o romano kraj ande Rumunia thaj jekh zuralo romano aktivista las 18 augusti thaj mulas ande bolnjica ando foro Antalya ande Turcia. Florin Cioba tradasas peska familiasa pe jekh duje kurkengi vaccacia ande Turcia ando Foro Antalya, thaj sar tradelas vurdon po altobano last haj kherdzilas leske zurales chores, kade ashadas o vurdon thaj ambulanasa sas akardi po than.

Le ciobas ingerde ande jekh bolnjica, thaj phala zutipe kote linet haj ingerde les ande jekh privatno bolnjica, kote denas les o zutipe so nalerziaspe leske o Cioba sas vi po respiratoror shutino ale sajekh chi birisarde lesko trajo te ratulin, kade ke 18 augusti last haj mulas ande Antalya ande Turcia.

O Florin Cioba sas o shavo le pindzarde romesko o Ian Cioba thaj aven khatar jekh zurales pindzardi thaj barvali familia.

Ale vi te sas khadi familia barvali thaj pindjaradi generacia phala generacia nakle von vi zurales phare situaciji ande phenge trajura, o Ian Cioba sas deportuvano khetane ezera khavere romenca ande Transnistrien ando 1942 bersh khatar o pronazistiska rumunitcko diktatoro Ion Antonescu, line lendar lenge barvalimata thaj ashadele cine valiskenca ferik te birin te naken o jivent, ale sosko pharipe tena nakline nakline o maripe thaj o choripe.

Thela 1960 bersh zumavela o Ion Cioba te kherel intigrera le romen ande rumunicko samhälle ande oficialno politika thela komunistichno regima ale na intregi rom kamenas kado.

Thaj kana laspe o 1990 bersh khamenas le rom anda Rumunia te avel le jekh kraj savo shaj kherel le representera thaj te marelpe anda lenge chachimata.

Kade las o phuro Ian Cioba thaj ghelas khatar o status sherorom kaj o Kraj le romengo ande Rumunia.

O Florin Cioba kaj tragidichnje mulas 18 augusti last haj phendas pe peste "King Of Gypsies" ando 1997 bersh phala kado ke lesko dat o Ion Cioba mulas.

Lesko celo sas te reprezentuli le romen ande politicno situacia ale kado sas vareso so sas njiemozlivo te kherel ke ande Europa si kahring le 12 milinora rom.

O Cioba sas pindzardo sar jekh zuralo romano aktivista kaj marelaspe anda romenge chachimata thaj khado bersh sas vov alosardo sar o prezidento ando IRU Inernational Roma Union.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".