Arbetsförmedlingenoski generaldirektorka e Angeles Bermudez-Svankvist. Foto: Janerik Henriksson/Scanpix.

Generalnodirektorka anda Arbetsförmedlingen shaj avla thele shudini

Maj dor naj biziala po o generalnodirektorka e Angeles Bermudez-Svankvist khatar o styrelsen anda Arbetsförmedlingen phenel o Joachim Berner, khaj si styrelseledamot anda Arbetsförmedlingen ando TV4 Nyheterna.

No ferik ke khado naj anda khodo ke zurales bare rati kherdas pe pesko mobilabonemang phenel o Berner. Jek rata khaj thela jek aj dopash bersh kherdas 311 000 koroni.

E Angeles Bermudez-Svankvist phenel la gazetake Aftonbladet ke e dosh si khaj le manush khaj kheren buchi po it avdelning lende po Arbetsförmedlingen, ke naj le dosta lashi rutina khana avel te kheren surfa po telefono ande khaver thema.

Aj e kritika khaj shute pe la ke voj chi avelas pe khidimata, aj kaj nas la jek legitimno atveto sostar, pe khado phenel voj ke naj chaches,

Phenel la gazetake ke voj mindikh si pe le khidimata, aj ke voj mindikh si po tan khana trubuj.

Po pushipe pa e biziala khaj si kharing la khatar o styrelse, phenel voj ke o regeringo shol aj vi lel tele le generalnidirektoron.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".