Maria Sabri - Unga in

Unga in

Unga In
4:19 min

Tala o ultimo kurko angla te lelpe le shkoli si but differentni festivaloria pe but tana ando sa o Shvedo. O maj baro si akardo We are Stockholm aj si ando centralno Stockholmo. Pe kado festivalo si dino kaj e ternimata konsertoria, clubboria aj kaver differentni aktivitetoria.

Numa pe kado festivalo shaj arakhes vi kaver djeli sar for examplo o Eu-projekto Unga In so si kharing le ternimata so trajin ando chorimata aj avrial o samhället. E Maria Sabri so kherel butchi sar jekh anda le manush kaj jal krujal te phenel pe kado projekto mashkaral le ternimata phenel ke von si pe tan te dikhen le e ternimata

-Ame sam pe tan te shaj jas aj te phenas e ternimatenge so ame kheras aj ke shaj len jutipe amendar, aj sar majbut ternimata so ame shaj jutis si amaro suno.

Unga In si jekh projekto so si de khatar o bersh 2009 aj so si dino love khatar o Evropaki Socialfondo. O golo kadala projektosa si te arisen kaj le ternimata so si pe rik ando samhället aj te jutin le te aven andre ando samhället aj anda kudo von kheren butchi te roden le ternimata phenel e Maria Sabri.

-Ame arakhas le ternimata pe differentni tana sar for examplo ando fritidsgårdar vaj ando centrumo vaj ando garagoria aj vi uni anda lende garade pe garade tana. O angluno paso si te las lentza kontakto te shaj len von jekh patchaimos anda amende aj pala kudo las le andre te jutis len.

Aj o tan kaj von ingeren le ternimata si lengo lokaloria so si ando Fryshuset aj kotche shaj len jutipe te ramon jekh CV, vaj te roden butchi vaj te si ke khamen shaj roden jekh shkola vaj jekh butchiako utbildning.

Ke o Unga In jutisarda ternimata si variso so e Maria Sabri dikhla lake jakhentza korkoro.

-Jekh rakli so sas man sas tala deshoochtongo aj sas la dosta pare norkotikako problemi aj nas la chi sosko kontakto lako familjasa. Numa adjes voj si vuchi aj rodel butchi aj vi lape te trenulil so trenulisas maj anglal aj lako trajo mershol but maj michto adjes sar de jekh bersh parpale.

O Unga In si adjes pe pansh differentni tana ando Shvedo, naj ferdi ando Stockholmo numa vi ando Göteborgo, Malmö, Gävle aj Skellefteå. Te si ke e ternimata naken le kravoria so si attunchi si von välkomna numa ke o trajo si opre aj tele.

-Le kravoria si te na aves ramome andre andi jekh shkola vaj te na les lovengo jutipe khatar o socialo aj vi te na aves ramome andre ando normalno butchiakoförmedling  ke von si ando sa kudo systemo. E Maria Sabri vi phenel ke shaj aves lende numa ke san aktivano ando jekh narkotikako problemo vaj missbruk.    

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".