O zido-falo savo ulovaole romen koatr e javer manushen ano foro Kosice ani Slovakia.

Naj legalno o falo ande Slovakia

"Naj legalno"
7:02 min

Jarmila Vanova phenel ke kado falo naj legalno thaj ke kado si sar jekh naj ande jakh e foroske Kosice, ke o foro Kosice si akanak Europako kulturako foro, kultur huvudstat.

Problemo si ke kado statsdel khaj bushiol Lunik 9 khaj si o maj baro falo khaj kerel segregatcia inkrel pe korkori. O statdsel Lunik 9 das korkori pestar 5 000 euro pe kado falo phenel e Jarmila Vanova.

Sako statsdel lel peske decizi thaj kado si akanak problematicno ando foro Kosice.

Thaj o sherutno ando foro Kosice chi djanelas kanchi zhi pun vov chi shundas kado khatar e media ando Slovakia.

Vi ando Shvedo si o systemo kade opre shutino ke e statsdelar len penge decizi numa na kana vazdel pe opre khera vaj falura - ke ando shvedo musaj te mangel pe bygglov.

Numa chi birij e Slovakitcko regeriungo te kerel variso?

Jarmila asal ekcera thaj phenel ke o them chi vorbij pe kado pushipe.

Peter Polack ingrel pe pala e decizia so o Bryssel las thaj e decizia si ke musaj te lel pe tele kado falo phenel e Jarmila Vanova maj dur.

Media birij butivar te lashiarel variso thaj univar te romuj variso ande kadi buci rumusarde von dosta but ke kana e medi vazde opre kado vorbisarde von jekhe romesa khaj phendas anda peste ke e romenge naj kado kanchi ke si falura opre vazdine thaj kado naj mishto phenel e Jarmila Vanova ke kado vazdel opre jekh maj bari segregatcia.

Numa sar ghindoj e Jarmila Vanova sar jekh medialno manush ande Slovakia, hasajvela kado falo sigo vaj ashiol kado falo maj dur vrama?

Jarmila asal ekcera thaj phenel ke voj kamel te pacal ke kado hasajvela sigo numa voj phenel ke voj trajij ando Slovako thaj kote si ekcera maj kaver sar ando Shvedo.

Numa sar dikhen e rom ande Slovakia pe kado ke kerel pe segregatcia falonca thaj si vi pindjardo ke si but ny naziztura khaj maren e romen.

Jarmila Vanova phenel ke e rom daran, ke te aven kadal neo nazister maren von sa e romen khas von dikhen.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".