Foto: Elin Häggberg/Sveriges Radio.
Nationalno

Maj but azylantura anda Eritrea aven ando Svedo

Anda le paschi 2 200 eritranura kaj avile ando Svedo, avile jek shtarto kotor ferik thela o agusti shon. Rapportulij o Ekot. Te si kade ke o vazdipe maj dur kade inkerdziola, avla atunchi e Eritrea o dujto maj baro azylantosko them ando Svedo, pala o maripe ande Syria.

E Gunnel Svedberg si teamleader ande Migrationsverkets khera ando Märsta thaj Gävle.

- Ame phenas "Little Africa" kathe. Vi ando Göteborg thaj vi ando Malmö sas but ziene. Musajsas te las manushen ando Stockholm thaj Gävle ke za but sas. Birij o te aven 50 zi kaj e 60 ziene sako djes ando Malmö, phenel e Gunnel Svedberg.

E Eritrea si butivar phendo ke si jek anda maj zurali ditkatoricni thema ande luma. O FN phenen ke mashkar 5000 zi kaj 10 000 politicni fångar vaj manush kaj beshen ande temlica ando them, thaj chi sosko alosaripe nas de sar e Eritrea kerdzilas vlasno katar e Etiopia de 20 bersh kodoleske.

Ando maj las o Migrationsverket e decisija ke konik kaj avel po azylo anda Eritrea chi avla palpale bishadino katar o Svedo. Kado shaj avel jek anda avetura kaj kichi ziene avile.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista