Foto: Dan Eliasson/ Sveriges Radio
nationalno

Pashol o alosaripe ando kyrkoval vaj khangeriako alosaripe ando Shvedo

Kyrkoval-Khangeriako alosaripe
5:07 min

O deshopanchto september si ando Shvedo Khangeriako Alosaripe numa o manush shaj alosare vi angla kudo djes maschkar o dujto aj deshojekhto september. Sa le manush kaj si ander ando Shveditska Khangeri aj si deshoshovengo vaj opral shaj alosarel. Ando kado alosaripe so si sako schtaro bersh alosaren avri e manush kon si te lel le importantno desitsie ando khangeri, pe so e manush shaj alosaren si vi politichno partia aj vi naj politicho gruppi.

Ando khangeriako alosaripe si trin diffrentni alosarimos amime. Jekh si pe o kyrkofullmäktige, jekh si pe stiftfullmäktige aj jekh si pe kyrkomötet. Kado si pe kon shaj lel disitsia ando lokalno khangeria aj vi desitsia opral sa le khangeria ando shvedo so si tela o Shveditska Khangeri. O Magnus Edin kaj si projektledare ando kyrkoval phenel so si e differensia maschkar kadala trin alosarimos.

Kyrkofullmäktige si pa o khangeri so si pasha tute vaj kudo kaj tu pires ando aj o kyrkomöte si le desitsia so si opral pe sa le khangeris ando sa o shvedo so si tala o Shveditsko Kahngeri. O stiftet si kaj jutil le khangeria pe jekh regialno levelo phenel o Magnus Edin kana phenel so si e differensia maschkar kadala trin differentni kotora ando alosarimos.

Kado alosaripe si pashte sa jekh sar o alosaripe kana si pa o regeringo aj o riksdagen. Vi katka si hasnime differentni kartchi pe le trin differentni kotora anda o alosarimos.

O Magnus Edin majdur phenel sostar si importantno te kheren e manush kado val vaj alosarimos.

Sostar kado si importantno si ke katka si e manushenge kaj silen voja te alosaren aj kaj si andre ramome ando Shveditsko Khangeri e chansa te phenen vaj te alosaren sar von khamen e kahngeri te marshol pe maj angle.

Ando Shveditsko khangeri si kharing le 7 milijonoria memberoria aj 5,5 miljonoria anda lende si len voja te alosaren ando kado alosaripe so si te avel numa le siffri pe manush so aven aj den pengo glaso si vucho aj pe sostar si kado aj te si ke janen e manush ke si jekh alosarimos phenel o Magnus Edin kadja.

Le siffri sikaven ke majbut anda kadala 5,5 milijonoria so silen voja te alosaren janen pe kado alosarimos numa sostar si kadja chira maunsh kaj aven te alosaren si sa kadja but gora sar si le siffri pe manush kaj chi aven te alosaren phenel o Magnus Edin anda Shveditska Khangeri.

Vo vi phenel majdur ke but anda le rom si amime ando differentni khangeri ando Shvedo sar o Pingstkyrkan vaj o Jehovas Vittne numa kudola naj jekh parto anda o Shveditsko khangeri so te si ke von naj andre ramome ando Shveditska Khangeri attunchi naj len voja te alosaren.

Aj pe agor phenel o Magnus Edin ke te si ke tume rom kaj ashunen pe kado gindoria so si o Shveditska Khangeri aj so jalpe lende shaj ginen pe lengo internetosko rik www.svenskakyrkan.se pe romani chip.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".