ERTF paruvel buciako drom

ERTF
4:49 min

ERTF - e romengo thaj piravnengo forumo ande europa si e romengo instanso ande Europako forumo.

Kadi organizatcia si te vazdel opre e romengo pushipe pe europaki agenda thaj te zumavel te lashiarel e romengi sitatcia.

5-6 september inkerdas o ERTF pesko bershesko khedipe ando Strasburg thaj kado bersh sas zukardo ke avna parujimata ande ERTF:osko buciako plano.

Phares sas ande buci ke e europake thema chi denas zhutipe khaj e romane umbrelli so sas ando ERTF phenel o Presidento anda ERTF o Rudko Kawczynski.

Presidento ando ERTF Rudko Kawczynski phenel ke e buci chi djalas kade sar khaj sas planovano ando chachipe, ke za lokhes djalas kodi buci kana kerlas pe buci direktno karring varisave thema.

E purani buci sas lashio ando ghindo numa nas lashi ande praktika thaj kana o ERTF las sama ke kado nas optimalno parude von pengo buciako drom.

Thaj akank parudas o ERTF pesko ghindo thaj kerla buci differentne temanca, thaj ande sako temaki gruppa avna romane specialistura.

Rudko Kawczynski phenel vi kodo ke akanak birina vi e kaver romane organizatci so si ande sako europako them te lel kontakto kusa ERTF thaj birij te kerel buci kusa o forumo.

Kado chi djalas maj anglal pala o purano buciako plano.

Rutko Kawczynski phenel te na daran e rom te len kontakto kusa o ERTF te si len varisavi buci vaj projekta. Vov phenel ke naj phares te lel pe o kontakto te avel jekh koperatcia.

Akanak vorbin but thema ando EU ke len si romane strategi khaj si te zhutin e rom thaj te lashiaren e romani situatcia ande e thema.

Kado si but vorbipe numa naj but kerdo ande praktika phenel o Presidento anda ERTF o Rutko Kawczynski, vov phenel ke e Europa trobuj te dikhel vi pe strategia so ERTF del akanak.

Kote kamel pe te avel zhutipe numa maj but pe nationalne levelura, ke maj but zhutipe avel ando them, na feri but vorbipe ande europako levelo thaj ke kanchi chi kerdjiol pe palakodo ande nationalno levelo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".