Anna Lindh. Foto: Jan Collsiöö / Scanpix.
nationalno

10 bersh desar mudarde a ministerka Anna Lindh

Anna Lindh, arakdzilas 19 juni ando 1957 bersh aj mulas 11 september ando 2003 bersh desar mudarde la maskharal ando NK ando Stockholmo. Voj sas zurales aktivno ande politika, aj khana mulas sas voj e avrithemutni ministerka atunchi khana o Göran Persson sas o statsminister.

Voj shuvlas o pharipe pe khodo tal jek lashi internationalno koaperacia maskar le thema, lake vi importantno sas le solidaritetspushimata aj vi o envairomento. Khadale punktonca inkrelas voj peski politika, aj po agor sas voj le svedoski avri themutni ministerka, khatar o 98 bersh zi ando 2003 bersh.

No laki kariera kizdisajlasas butesa maj sigo, anglunimastar sas lako plano te kerdjol journalistka, no ferik palak vrama po enköpings posten achardas voj ke naj khado so voj khamlas, aj khad las voj aj nakhlas e skhola te kerdjol jursita aj ando 84 bersh alosarde la sar e angluni zuvli tall e sherutni po SSU Sveriges Socialdemokratiska ungdomsförbund. Thela peski kariera sas voj vi borgarråd po Stockholms kommun, kommunfullmäktig aj vi miljöminister. Le manush pennas ke voj sas e maj bari kanditat te lel perdal o tan sar statsminister phala o Göran Persson.

Jek punkto ande laki karriera khaj le manush butivar vazden si khana o Shvedo sas o viziri anda EU, ando 2001 bersh. Vaj atunchi las o sherutno posto anda ministerrådet, aj e ressponsibilita pa le avri themutne pushimata sas ande lake vas. Sakado bersh tradas voj khetane le manushesa khaj inkrel le securitakepushimata aj le avrithemutne pushimata anda EU o Javier Solana ande Makedonia, vorta atunchi kana sas o konflikto kothe ando 2001 bersh. Voj birisardas te arakhel aj te shol jek solucia khaj kerdas khade ke chi vazdas pe jek themutno maripe, vaj inbördes krig.

E Anna Lindh mulas 11 september ando 2003 bersh. Voj jek djes angla pesko meripe sas ando NK ando Stockholmo te khinel peske gada peska koleznkasa, aj kothe arakhlas la o Mijailo Mijailovic, aj pusadas la shurasa, voj khade dukhadzilas ke po khaver djes detahara, avile le brigake nevimata, le nevimata khaj kherde khade ke intrego shvedo ashilas ando shocko, e Anna Lindh utrikesminister mulas.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".