Nationalne minoritetura den kritika

Kritika
4:05 min

Kritika avel khatar e nationalne minoritetura pe Statens Folkhälsoinstitut. Von skirisarde jekh jekhutni kritika pala jekh khedipe so sas ando Stockholm.

Pala o khedipe so sas ando Stockholm kusa e nationalne minoritetura thaj Statens folkhälsoinstitut holjajle e nationalne minoritetura thaj shute pe khetanes thaj skirisarde jekh lil khaj sas skirisardo khaj o socialministro Göran Hägglund.

E rom e zidevura, samer thaj tornedalingarna skirisarde kodo lol thaj skirisarde telal ke kado naj acceptovano lendar.

E kritika avel ke e nationalne minoritetura acharen ke folkhälsoinstitutet chi las peski buci seriozno thaj pasha kodo chi keren von e buci mishto phenel o Stefano Kuzhicov anda Riksförbundet Romer i Europa.

Simon Wallengren anda Kulturgruppen för resande folket phenel ke si vi kaver problemura kadala buciasa te vazdel pe jekh kasavi nevi buci thaj kodo si ke pale si te vazdel pe opre pushimata khaj si ekcera phare e romenge ke si uni buci pa etniciteto thaj sexualiteto.

Jekh kaver buci so holjardas e nationalne minoriteton sas kodo ke lungo vrama sas folkhälso institutet te lel kadi buci ando vast numa chi kerde kodo feri djukarde khaj e maj paluni sekunda phenel o Stefano Kuzhikov.

Akanak mangen e rom te vazdel pe kadi buci pe jekh maj uco levelo phenel o Simon Wallengren ke sar si adjes si kadi buci chorres kerdi, e manush so inkren kado chi djanen but pa e rom thaj jekh kaver buci si ke e rom chi vorbisarde pe khetanes sar te djal kadi buci.

E sherutni pe kadi projekta e Marlene Ljusberg andaStatens folkhälsoinstitut phenel ke si e nationalne mioriteton chachipe ke kado naklas za lungo vrama numa phares sas te arakhel pe manushen pe kadi projekta.

Numa vazno sas lenge te maladjion kusa e nationalne minoriteton.

Akanak len von kadi kritika karring phende thaj si te kerel pe buci sa e gruppenca te avel mishto maj angle phenel e Marlene Ljusberg anda Statens folkhälsoinstitut.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".