1 bersh angla alosaripe

Alosaripe pashiol
4:44 min

Savatone sas e khangerako alosaripe ando Shvedo thaj akanak si maj cerra sar jekh intrego bersh zhi pun avla o baro politicno alosaripe ando Shvedo khaj o riksdagsvalet ando bersh 2014.

Adjes mezij pe e politicno opinja dosta pashe sar khaj sas e politicno opinja angla o paluno alosaripe khaj e lole zelene inkren pe anglal, numa varisar vazde pe e regeriongosko alliansa atunci thaj njerisarde o alosaripe ando bersh 2010.

Vi te mezij pe ekcera maj phares akanak sar atunci, shaj kado te kerdjiol pe po dujto ke e alliansa vazdel pe opre thaj njerij ke jekh bersh si but vrama ande politika phenel e Jenny Madestam khaj si statsvetare.

Jenny Madestam phenel ke chi trobuj te lel pe pe bari so kerel pe jekh bersh angla alosaripe ande opinja ke but shaj te parudjiol pe tela jekh bersh.

Angla alosaripe ando bersh 2010 inkrenas pe e lole zelene opral ande sa e opnji, numa ande e palune shion angla o alosaripe parudjilas sa thaj e alliansa ashilas ando regeriungo.

Adjes sikaven pale e opinjake siffri ke e lole zelene inkren pe karring 10 procenti angla e alliansa, numa e alosara ando shvedo chi inkren pe zurales pasha jekh partia feri paruven penge ghindura kana variso kerel pe.

Toivo Sjören khaj si opinionchef ande opinioninstitutet TNS Sifo ghindoj ke avla phares e regeriungoske te njerij jekh trito data numa pacal ke shaj kodo te kerel pe numa phenel vi kodo ke sako data jekh regeriungo njerij kerdjiol automaticno maj phares te njeris inke jekh data.

Jekh kaver buci so o regeriungo trobusardov te dikhel peste si kodo ke e alosara hasarde pacape ande lenge politicne pushimata.

Sar exemplo ande skolako pushipe khaj e Folkpartiet inkrel e politika ghindon but anda e alosara ke e Socialdemokratura inkren jekh maj lashi skolaki politika sar e Folkpartiet thaj sa kade ande buciako pushipe vazdas pe e Socialdemokraterna ande e manushenge jakha.

Kado shaj te peravel e alliansa vi te si len vrama te vazden pe opre phenel o Toivo Sjörén.

Numa naj feri kade ke e politicne pushimata parudjile pe but de khatar o paluno alosaripe.

Ando bersh 2009 nas e Sverigedemokraterna ande riksdagen, akanak si von kote andre thaj zumaven te len maj bari zor kote.

Atunci sas duj bare blockura ande diskussia e alliansa thaj e lole zeleni.

Akanak mangel o sherutno anda Socialdemokraterna te hasajvel e blockpolitika thaj phenel ke kamel te avel jekh nevo regeriungo khaj nakhel pa e politicne blockura.

E alliansa inkrel pe maj dur khetanes numa si ekcera problematika vi pasha kodo ke e maj cine parti sar Centerpartiet thaj Kristdemokraterna aven ande but opinji tela e 4 procenti thaj kodo shaj te kerel ke von perna avri anda riksdagen.

Toivo Sjörén ghindoj ke e vrama sikavla kon njerija ke vazno si save pushimata si aktualne vorta ande vrama angla alosaripe.

Jenny Madestam so si statsvetare phenel ke e parti musaj te sikaven variso khaj e alosara birin te pacan thaj kodo musaj e politicne parti te keren te njerin, kado kerde e Moderatura ando bersh 2006 thaj kerde kodo po dujto ando bersh 2010 thaj pacal ke sa kade avla po kaver bersh.

Kodo kon dela e maj lashi historia khaj e alosarna pacana njerija o alosaripe 2014.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".