Vi är Romer

Kevnia: Vi är romer

Vi är romer
4:40 min

Göteborgs stadsmuseum kerdas e bari exibitcia Vi är Romer, pasha kodo muklas vi o Göteborgs statsmuseum avi jekh kevnia sa kodole anavesa Vi är Romer.

Kadi kevnia sas opre sikadi ande Shvediko televizia kana o UR sikadas e kevnia.

E journalistka Cecilia Köljing kerdas intervjuer bute romenca anda e diferentne romane grupi thaj pala kodo skirisardas voj lenge histori ande kadi kevnia.

E journalistka Cecilia Köljing phenel ke laki buci las pe ando bersh 2010 kana voj achardas ke voj chi djanelas but pa e rom so trajin ando Shvedo.

Cecilia Köljing phenel ke but ginavlas pe pa rom ande europa ando bersh 2010 numa nas but skirime pa e rom ando Shvedo, kado sas lake interesno, sostar kade sas delas pe voj ghindo.

Kana voj las te kerel intervju e romenca las voj sama ke but informatcia avlas avri

Voj las kontakto kusa duj rom o Bagir Kwiek thaj o e Thereza Eriksson thaj phendas lenge ke voj kamel te kerel jekh kevnia patretonca romane historienca thaj von phende ke zhutina la ande kadi buci.

O pushipe kadala kevniasa sas te avel sar si e romenge ando Shvedo thaj sar trajin von kate.

Kado si jekh pushipe so chi vazdel pe opre thaj kado kamenas von te vazden te birij pe te sikavel pe sar e rom chachimasa trajin ando Shvedo thaj te sikavel pe e romen khatar lenge jakha phenel e Cecilia Köljin.

Ande kadi kevnia birin e rom te phenen pengi historia, so von nakle, so sas mishto, so sas chorres, briga thaj losh.

Jekh historia so si andre skirime sikavel e kali historia ando Shvedo kana jekh romni so si phari djal khaj o doktori thaj von den la jekh ultimatum.

Voj shudel voj pestar e chavores vaj lena latar lake duje kavere chavoren.

Pasha kodo kerde jekh sterilizatcia pe kodi romni phenel e Cecilia Köljing maj dur.

Kate shaj te ginavel pe sar sas o pharipe maj anglal kusa sa e nasulimata thaj sterilizatci zhi khaj adjesutni vrama khaj e romane ternimata garaven pengo romanipe feri anda kodo te birin te len varisavi buci vaj te birin te len penge kher ke e garadini diskriminatcia kerel ke von chi birin te len buci thaj kher te avel avri e informatcia ke von si rom.

Cecilia Köljing phenel pa jekh terni romni ando Shvedo.

E kevnia sikavel e romengo trajo ando Shvedo thaj e Cecilia Köljing kamel so maj but manush te ginaven laki kevnia, e rom te ginavn thaj te pindjaren pe thaj e gadje te ginaven thaj te dikhen ke lenge ghindura - fördommar feri si dile ghindura.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".