Gunilla Carlsson, Elisabeth Svantesson thaj Hillevi Engström. Foto: Scanpix

Reaktci pe nevi ministerka

Aratchi kerdas o statsministro parujimata ande pesko regeriungo.

Biståndsministerka Gunilla Carlsson muklas pesko than thaj akanak avla Hilevi Engström nevi biståndsministerka, voj mukhel pesko than sar arbetsmarknadsministerka.

Thaj nevi arbetsmarknadsministerka avla akanak Elisabeth Svantesson.

Statsministro Fredrik Reinfeldt phendas arachi ke vov kerel kadal parujimata ke kamel te aven manush so shaj te njerin jekh nevo alosaripe ando bersh 2014.

Ekcera reaktci vazde pe pe e nevi arbetsmarknadsministerka Elisabeth Svantesson ke voj sas maj anglal sikavni ande jekh skola so sas inkerdi khatar e religiozno grupa Livets ord thaj sas angazovano ande e buci karring abortci ande e organizatcia Ja till livet.

Kana svt aktuellt pushlas la sar voj ghindoj akanak pa abortci phendas voj ke naj la sa kodol ghindura sar maj anglal thaj ke voj inkrel pe pala e shvedicka zakonura pa abortci.

Statsministro Fredrik Reinfeldt inkrelas pe pala e nevi arbetsmarknadsministerka Elisabeth Svantesson thaj phendas ke kodo sas maj anglal thaj ke kado chi paruvla laki buci sar ministerka.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".