FN inkrel klimatosko khedipe ande Warszawa

Adjes lel pe Fn:osko klimatosko khedipe ande Warszawa, kado avla 19 data khaj khidel o FN manushen pa klimatosko pushipe.

Kado khedipe si o khedipe khaj si te phandel pe sa e buchi thaj te alosarel pe kadi buchi ando Paris pa duj bersh ando bersh 2015 ke atunci si te skin sa e thema jekh globalno klimatosko kontrakto.

Anda kodo si e intrego buchi vazno so kerel pe ande Warszawa ke kado than shaja te vazdel opre e buchi numa vi te peravel e klimatoski buchi phenel e miljöministerka e Lena Ek

Ande Warszavwa zumavla pe te kerel pe jekh buchiako plao sar te aresel pe khaj o globalno kontrakto ando bersh 2015 thaj vi te si uni skepticne ke chi djala kanchi avri kate sar khaj sas ando bersh 2009 ande Köpenhamn si kodol so pachan ke djala e buchi avri ande Warszawa.

Kodo so si akanak nevo angla kado khedipe si o raporto so Fn:osko klimatosko panelo IPCC mukhlas so sikavel ke o manush si doshalo khaj but problemura ande globalno tacharipe thaj ke trobuj te sidjarel pe maj but karing e växthusgasura ande atmosfera.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".