Det fortsätter komma vittnesmål om rasistiska yttranden från poliser. Foto: Bertil Enevåg Ericson/TT
Nationalno

E Policia vorbil rasistikane vorbe

Policia vorbil rasistikane vorbe
4:28 min

Rasistikane vorbe vorbilpe mashkar e Poliser ano Shvedo, akava vazol jekh bari debata. Ano kurko savo nakhla mothodape jekh video sar e Policia cepila pe jekh terni chej ano Malmö "jävla blatte" kana astardela. Sa akava kerol kaj but manusha hasaren piro pachaipe e ploliciake, O Carlos kerol buchi sar policajco ano mashkaruno Shvedo vo naj Shvedo thaj phenol so vorbin ljeske kolege masghkar peste kotar e javer manush.

Me korkori ashund but var sar vorbin xenofobiake vorbe o personalo, von phen balatte ja se neger-kalje thaj but javer vorbe. Thaj von kana phende gade vorbe phen kaj von naj rasistia, thaj phen kaj me sim shukar personalo chi sem sar javer.

O Carlos, save ano chachipe lje si jekh javer anav, numa vov chi tromal te mothol piro indentiteto, thaj vi rodla amnedar te chas jekh javer glaso ano radio so vov vorbila amnege. Kotar odova so vorbilpe xenofobijake vorbe mashkar e poliser, khoni chi chi vazol o puchipe upre te na vorbilpe gade ane amri buchi, phenol o Carlos.

Na, na, na delvla barea, te puchlan tut so vorbis, kaj naj musja gade te vorbilpe. Von gade persona ani policia akharen "blatteälskare". Khoni chi tromal te phenol kaj si rasismo mashakr e Poliser. Na dumut jekh kotar e policiajke shefia phende mange, te na vazav upre o puchipe maj mishto te pahnavav cho muj, so maj but vaze akava puchipe upre but djen chi kamena tut.

Naj numa o Carlos so hacharolpe gade, o kriminologo Sara Uhnoo savi kerda rodipe thaj intervju 21 djenneca save keren buchi ani policia save naj shvedura phenol kaj von phenen kaj but var ashunen koatr pire kolege kaj von vorbin xenofobijake vorbe mashakr peste.

Me shaj te phenav kaj but djene dikhen kaj avdive isi jekh zargoni, thaj phenen kaj sa e rodimata save kerdjepe mothoven kaj si jekh gade zargoni but buvljardo mashkar e poliser.

Thaj diferentno dikholpepe kobor seriozno si akava probljemo. Jekh gendo e poliser chi dikhen pe akava seriozno, ljenge akva si sar jekh peras, thaj sar jekh perasako zargoni, numa e javer grupa chi sa ljenge dragho sar vorbin.

Uzalo odova so san jekh shukar buchari ani policia kana phenolpe djungalje thaj rasistikane vorbe naj akceptirimo phenol e Jenny Sjökvist savi si HR-strateg ano Rikspolisstyrelsen, voj vi kerol buchi ando than save vazen e puchimata sar so si e värdegrundsarbetet ani policia. Voj gindinol kaj o probljemi na ne generalno, numa phenol kaj gade probljemo va, eksistirinol.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".