Firma njerij kana si len imigranto ande firma

Shvedicka firmi njerin ando import/export kana si len buchiara so si anda kaver them, kado sikavel jekh nevo rodipe.

Nationalno ekonomo Andreas Haztigeorgiou anda Lunds universitet skrij ande pesko doktoritsko buchi ke jekh buchiari anda jekh kaver them birij te vazdel o exporto kusa 4,5 procenti kana djal exporto ande lesko them thaj kana si jekh chacho shvedano vazdel pe o exporto kusa 1 procento.

Manush so arakhadjile ande kaver thema thaj inkren lashie kontaktura si maj zuralo ando handlo kaver themenca numa musaj vi te dikhel pe e manusheski edukatcia te djal kado import export mishto.

Andreas Hatzigeorgiou kerdas khetanes kusa o Magnus Lodefalk anda Örebro universitet jekh studia pe 12 000 shvedicka firmi so handlulinas kusa 170 thema ande e bersh 1998 zhi khaj 2007.

Ande kadi studia sas 600 000 buchiara thaj anda kadal sas 12 procenti anda kaver them thaj kado sas jekh baro zhutipe ande lengo handlo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".