Nationalno

Romano demokratsko kedipe ano Katrineholm

5:04 min

E Roma kotar o Balkan si maj but se 20 bersh ani Komuna Katrineholm savi arakholpe ano Södermanland, von kerdje jekh demokartikano kedipe e anvesa "Romano Merako". Ani komuna Katrineholm train trujal dji ke 30 000 mansuha, numa ani komuna si dji ke 50 romane familjie kotar o Balkan. Gindo akalje kedipa si te den djanipe e javer manushenge ani komuna kotar o Roma, te keren jekh maj lachi integracia ani komuna. Ljen si vi but diferentne aktivitetia save den dumo e ternenge thaj e djuvljenge.

Save aktivitetia tahj savo si o gindo ake so phenol o Ajrula Ismaijlji savo si sherutno e kedipasko Romano Merako phenol sostar kamen te zutin e teren chaven sar exemplo.

O Ajrula vi phenol kaj ano kedipe o terne si pobuder aktivne se so si o phure roam. 

Dji amne phirasa trujal o lokalo e kedipasko e Nazmia thaj o Sevredjani save si mebria ano kedipe vokerol varesave djenge save avilje kotar o KOMVUX te dikhen sar o kedipe kerol buchi e romane djuvljenca thaj e terne chavenca ani Komuna Katrineholm. 

Numa so voj gindinol sar trubul te kerolpe buti e romane djuvljenca thaj so trubul ljenge ake so e Nazmia phenol, ani svai situacia si jekh romani djuvlji ani jekh tikni komuna.

O Ajrula Imailji phenbol mnege kaj te shaj esistirinol o kedipe musja te delep dumo odoljeske so o kedipe kerol shukar rezultatia ani komuna thaj shukar integracia numa sar finasirinolpe akava kedipe ake so vov pheno mange. ILL: