Thema den jekh kaveres DNA-prubi

E policia ando Shvedo das pe ande jekh koperatcia kusa e policia ando Hollando. E koperatcia djal pa datorovane DNA - vurmi pa thana khaj sas kriminalne buchia kerde.

Arachi las pe kadi buchi thaj o ghindo si ke intrego EU djala andre ande kadi koperatcia pa DNA.

Poliskommisarie Göran Görtzen phenel khaj Ekot ke kado so kerdas pe mashkar Shvedo thaj Hollando si historia ke akanak avilas jekh shajipe te del pe po agor e kriminalne buchianca.

Ande angluni buchi bishadas o Shvedo 27 000 prubi ando Hollando thaj von bishade palpale 37 000 prubi so e thema dikhen perdal ande penge data baser thaj anda kadal prubi araklas pe 200 buchia ande sel duj thema.