Skoli tela kritika

Maj but sar jekh manush anda diferentne buchiake uni thaj sikavne anda friskolegrupa Mikael Elias- gymnasierna phenen ke sas lenge zorasa phendo ke von trobun te vazden e studentonge betyg, kado skrij Svenska Dagbladet adjes.

Kadal manush daran te phenen sar von bushion.

Jekh rektoro phendas jekheske te vazdel betyg 6 studentonge thaj phendas ke von veston 600 000 koroni te na avla kodole studenton maj lashie betyg.

Mikael Elias- gymnasium si pe 9 thana ando Shvedo thaj si tela e koncerna Academedia.

E sherutne ote phenen ke len chi trobuj kasave buchia ande lenge skoli ke len si dosta but studentura vi kade.

Skolaki inspektcia dikhel kriticne pe kadal fakti numa inke chi line decizia so te keren maj dur.