Adjes avel atveto khatar SIN pa Romani registra

Adjes pala luncho avla o atveto khatar Säkerhets- och integritetsskyddsnämnden (SIN) pa skåne policiki registra pa rom.

Ande kadi registra si ezera rom andre skirime thaj o SIN shaja te phenel ke trobuj te lel pe tele kadi registra.

SIN kerdas jekh investigatcia sar e policia kerdas buchi thaj dikle vaj von inkerde pe pala polisdatalagen kana von khide andre sa kadal anava pe karing 5000 rom thaj anda kadal sas opral 1000 chavora tela 15 bersh andre skirime.

Policia phenel ke von kerde kado ke von kamen te malaven tele kriminalne buchia thaj phenen ke von vazde kadi registra pala jekh maripe mashkar romane familji ando Staffanstorp.

Jekh buchi so SIN shaja te sikavel si kodo ke e policia chi sikadas ande kadi registra kon si misstänkt anda kriminalno buchi vaj naj misstänkt.

Kana personalo anda Säkerhets- och integritetsskyddsnämnden avile maj anglal khaj e skånepolicia line von o atveto khatar e policia ke kadi registra si feri pe rom thaj kodol so si ansurime e romenca.

E policia phenel ke kado nas phendo thaj ke kado si ke von chores acharde jekh kaveres thaj kodo si ekcera chuddno, phendas e Eva Melader Tell, kanslichef po Säkerhets- och integritetsskyddsnämnden khaj P4 Malmöhus.