SIN del kritika pe policia

Skåne policia lel kritika pe punktura khatar Säkerhets- och integritetsskyddsnämnden SIN, sar e polica kerdas buchi kusa e personuppgifter ande e kritikovano registra pa rom.

Sin phenel ke ande uni buchia si kadi registra ilegalno, numa chi phende ke o etniciteto si e dosh khaj e registratcia.

Von skrin ande pesko rapporto ke de sas jekh cello a registrasa sas e registra sa bulhi thaj chi inkrelas pe ande granitca thaj kado kerel ande praktika ke o integritetskydd e mansuhengo sas avri shudino.

Chi trobusardov pe te skrij pe andre sa e manushen ande e registra vi te sas jekh ghindo kadala buchiasa.

Sin phenel vi kodo ke naj jekh dosta zurali konektcia kusa e kriminalne buchia thaj mashkar e manush so si registirime. Von dikhen ke e registra si sar te avilov mishto te avel "bra att ha" registra.

SIN phenel ke naj grundo khaj etniciteto feri ke si ghindo ke si panglo karing manush so sas ande ghindura ande kriminalne buchia khaj e policia.

SIN djala akanak maj dur kadalesa te dikhel so e policia kerla maj angle khatar kado mukhipe khatar SIN.