Nationalno

Shvedosko zutipe ano Filipinerna

Ano Filipinerna vadje adjukerolpe o zutipe, o sebepi kaj e infrastuktura padjilji telje nashti avolpe e zutipasa ke than kaj train e manusha save nakhlje e bari katastrofa. Jekh Shvedosko Hercules ajroplani e personalosa thaj zutipasa ka urjal koatr o foro Cebu ke manusha savenge trubul zutipe. O majori Johan Edlund si sherutno akalje akciake.

Palo enja dive e bare katastrofako vadje an evakuirindjepe e manshua koatr e than kaj sas e katastrofa, akava ljol but lungo vrama phenol o Majori Johan Edlund.

Ano ajropalni pesa e shvedosko zutipe ingarol habe, paj, medecina thaj but javer bucha. E ajropalnosko personalo vi ljol pesa personen save si kotar o foro Tacoband. Avdive ano ajropalni pesa ljilje dji ke 22 djenen.

O FN phenol kaj 2,5 miljionija manushenge trubul zutipe habesa, 4 miljionija mukhlje pire khera. Oodlejske musja te kerolpe konkretno prioritering so trubul te ingarolpe po than pjenol o majori Johan Edlund.