O Fred Taikon si redaktoro pe E Romani Glinda. Foto: AL Ringarp/Sveriges Radio
nationalno

O Fred Taikon phenel sostar si importantno e EU-electsia vi e romenge

O Fred Taikon vorbil pe sostar si importantno e EU-Electsia
5:38 min

Ando intrego Evropa jal jekh barval kusa högerextrimism vaj jekh rasistongo aj nazistongo barval. Te dikhel ferdi o manush ando Shvedo si o Sverige Demokraterna pe jekh trito tan pe save partie len majbut glasoria ando alosaripe.

Bare tema ando Evropa sar ando Austria kaj sas o Jörg Haider o presidento jekh skurto vrama aj sar ando Franchuso aj Hollandia kaj sas rom anda Rumunia avri shudine anda le tema aj khatar lengo kamporia khatar le nasiztongo partie vaj sar von akardjon främlingsfientliga partier.

Ando Dinamarko si o regeringo parodo aj si främlingsfientlig ando Italia pabaren tele aj pagen le kamporia kaj beshen le rom.

Aj te na bistras pe o Ungro kaj kam si o maj pares e romenge ando sa e Evropa. Kotche si o partia Jobbik savo jal angle aj si o darano militantno gruppa savo akardjol Magyar Garda aj si jekh gruppa savo vi mundarel aj marel e romen aj jal krujal le gava aj pabarel tele aj pagen le romane gava ando tem. Tala duj bersh si mundardo 8 rom ando tem aj e politzia chi kheren kantchi te asheven o problemo ando tem.

Aj pe agor si ame o Norvego kaj jal angle o Fremskrittspartiet so si o partia kaj sas memebero o Prinjardo nazisto Anders Bhering, aj kado partia silen jekh butchi vaj samarbetspartnero kuso o Sverige Demokarterna.

Dikhen ferdi so ramosarda jekh anda le partiakomanush anda Sverige Demokraterna ando o nazistongo webbrik avpixlat "michto sas te avel te si ke mule pala kudo ke chi xan". Kado ramosarda e Marie Stensby pa le glati kaj aven bi dejan aj daden ando tem.

Pala sa kado so kerdjolpe ando Evropa si importantno phenel o Fred Taikon khatar È Romani Glinda ke sas kado chansa so da o Ungdomsstyrelsen kharing le romane föreningoria so khamen te sicharen avri so si aj sostar si importantno te aves amime ando Eu-electsia.

È Romani Glinda khamenas te kheren koperatsia kusa le romane föreningoria te shaj den von informatsia pe o Eu-electsia aj vi te vasden o janglipe mashkar e rom pa le chachimata so silen sar manush ando samhället. Numa nas but interesno khatar le föreningoria aj o Fred Taikon phenel majdur sostar vo gindil ke kado sas te avinosas importantno.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".