Avdi Misini la journalistosko ceritifikato ando Turkia. Katka shaj dikhen kanan vo lel o certifikato ando Turkiako ambassado ando Kosovo.
internationalno

Amaro korespondento Avdi Misini la journalistosko certifikato ando Turkia

5:09 min

Tume ashundan pe lesko articloria ando Radio Romano khana si ame o programmo Chachimos, vo anel tumenge articloria anda sa o Balkan aj vo kherel butchi ando Radio Kosovo. Vo vorta kadala djesa la peske jekh certifikato te shaj kherel artciloria ando Turkia.

Kado vo la pala kudo ke pirda duj kurke andi shkola. Aj kon dales leste kado certifikato si o Turkisko ambassado ando Kosovo pala kudo ke von alosarde leste sar o maj lasho romano journalisto ando intrego Balkan.

Tume shaj ashunen sar o Avdi Misini phenel tumenge majbut pe kado certifikato.

O Avdi phenel ke kado si jekh shkola ando Turkia kan vo trubulas te jal duj kurke te lel kado certificato. Vo sas alosardo khatar o turkisko ambassado ando Kosovo sar o maj lasho romano journalista aj pala kudo la vo kado chansa lendar. Vo vi phenel sar vo kherda practico ando turkiako radio aj televisia vorta sar si ando Shvedo o Sveriges Radio aj Television.

Aj pala kado practica aj botchi so vo kherda ando radio aj televisia vo la o certificate.

Majdur del o atveto o Avdi pe so kado certificate shaj del les pe maj angle.

Vo phenel ke kado certificate si sar jekh inspiratsia aj shaj del les motivatsia ando lesko butchi. Kado vi shaj jutil les te kherel jekh lasho aj objektivno butchi andi romani medie.

O Avdi vi phenel sar vo atcharda kana vo la te janel ke vo sas alosardo. Vo phenel ke vo raduilas te shaj avel jekh kotor anda kado shkola, aj kana vo gelo kotche vo khamelas te sikhavel ke vi e rom silen lashe journalistoria aj ke vi e rom shaj kheren butchi profesionalno sar journalistoria aj ke von dikhle kado aj anda kudo dineles kado cerifikato.

Majdur puchlam khatar o Avdi sar si o dikhimos pe e rom ando Turkia.

Vo phenelas ke si kharing le 5 milijonoria rom ando Turkia aj ke si jekh differensia mashkar e rom andi Turkia aj le kaver rom andi Evropa. Vo vi phenel ke numa ke si jekh paro ekonomiako situatsia ando Turkia aj vi ke si diskriminatsia numa naj sar andi kaver tema andi evropa phenel o Avdi ke le rm si prinjarde te janen te bashaven musika aj te khelen.

Vo vi phenel majdur ke le Turkoria khamen te putren jekh institutsia te shaj jan te sichon e rom lengo chib aj kultura. Vo vi phenel ke akana romane aktivistoria andi kaver evropaki tema jutin le romane aktivistoria andi Turkia te shaj jan angle te mangen love te shaj avel jekh lasho integratsiako butchi e romenge ando evropa.

O Avdi phenel majdur ke vo shaj anel majbut articloria vi anda Turkia numa ke truno avela pala kudo ke but rom chi vorbin romanes. Vo vi vasdel jekh nevo forum so si vasdino ando brysselo aj kotche si includirime efta Balkoniako tema sar o Kosovo, Makedonia, Serbia, Bosnia, Montenegro, Albania, Bulgaria aj Rumunia.

Ando kado forum si te kerel butchi romane aktivistoria te shaj avel jekh internationalno strategia e romenge. Vo vi phenel ke kado certificato del les e voja te jal ando Turkia te kherel articloria romensa.

Pe agor khamasas te janas sar acharelas leski familja aj leski maj pache manushen pe kado certificate so vo la.

Pe kado o Avdi phenelas sar ando but romane familji o panglimos si suralo aj ke vi lesko familja dikhelas loshako pe kado certificate so vo la aj vi phenda ke kado varikaj vi perel michto lesko kollegengo ke vo sar romano journalista kherel jekh lasho butchi aj vi ke shaj ajukkeren jekh maj lasho butchi lestar.

Tume ashunen sar e Turkia kusa kado certifikato kharing amaro kollega o Avdi Misini sikhaven ke le minoritetno gruppi sar e roma for examplo shaj jan angle ando Turkia.

Numa chachimasa sar si e situatsia le journalistonge kaj si anda minoritetno gruppi ando Turkia. Kado puchipe vasdas pala kudo ke janas ke but journalistoria si pandade andi temnitsi pala kudo ke vasden puchimata aj articloria so naj drago e temeske.

Amentza ando studio si e  Silan Diljan  kaj si amaro kollega katka pe o Sveriges Radio pe o Kurdisko Radio.

E Silan Diljan del ame o attveto pe sar si e journalistonge pe o liberta le journalistonge andi Turkia pala kudo ke si jekh dosta paro situatsia e journalistonge ando tem.

Voj phenel ke sar si adjes naj jekh michto situatsia e journalistonge pala kudo ke te si ke ramos variso so naj drago e temeske attunchi si ke te khamen shaj den tu opre andi krisi aj te pandaven tu andi temnitsi. Voj vi phenel sar e Turkia si sar jekh temnitsa le journalistonge.

Numa vi phenel ke si uni journalistori so alon te ramon articloria pe divanoria so naj drago e temeske aj von naj dine temnitsa. Voj phenel ke shocha chi janes sar te kheres aj kudo kherel ke musaj te avel tut jekh dosta aljaripe pe sar aj kana trubus te kheres jekh sensuro pe chiri butchi.

Pe o puchipe sar si kharing e minoritetno gruppi ando Turkia voj phenel ke o Turkia si jekh tem kaj si vasdino pe sakonoria ke si ferdi jekh Turkia. Ando Turkia si ferdi jekh szaslo, jekh chib aj jekh manush. Ferdi uni religosno minoriteti si acceptovan osar for examplo le kristianoria aj le judovon.

Numa ando praktiko e Turkia si sar jekh mosaik phenel e Silan aj phenel ke si le Kurdoria, Armenoria aj le Rom aj vi kaver numa von chi existin te dikhesa pe le sakonoria aj kudo kherel jekh vucho diskriminatsia ando samhället.

Voj vi phenel ke le minoritetno gruppi nas len voja te vorbin pengi chib de but but bersh. O maj baro minoritetno gruppa ando Turkia adjes si le kurdoria aj kharing lendesi tala o ultimo vrama kherdi te avel le maj vuchoro aj akana shaj vorbin pengi chib puterdes pe le droma bi te avel pendino variso kharing lende.

E Silan phenel numa kado sa jekh si jekh generatsia anda kurdoski glati so barijon andi Turkia bi te janen pengi chib pala kudo k enas len chansa te sichon kudo pala kudo ke naj len kudo chib andi shkola.

 

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista