Geshenge problemura kostulin but love

Geshenge problemura

Geshenge problemura
4:22 min

Sako manushesko chaso kostulij karring 300 koroni, thaj kana ginavel pe ke ezera manush chi aven pe vrama thaj chasura nakhen birij pe te ginavel pe ke e kosta aresel miljonura koroni sako djes.

Jonas Eliasson professori anda KTH Stockholm phenel ke e kosta barol ekonomicne intrego vrama thaj ke kado kerel ekonomicne konsekvensura.

Tela jekh skurto vrama trade gesha avri anda peske vurmi, ando November paluno bersh ande Södra Station ando Stockholm thaj kado kurko marcine ando Huddinge.

Kana tradas o geshi avri anda peske vurmi ando November kostulijas kado e themeske mashkar 10 thaj 20 miljonura koroni sako djes, totalno mashkar 90 - 180 miljonura koroni phenel o Jonas Eliasson.

Pasha kadal kosti aven vi kaver kosti, sar e direktne kosti so aven khatar e geshenge firmi so si maj cerra opral 1 miljardo koroni, skrij e branchorganizatcia Tågoperatörerna.

SVT sikadas ke sas maj but sar kadal duj urspårningar, von sikade ke sas 23 urspårningar de khatar o bersh 2008 so Trafik verket djanelas numa chi lasharde te avel maj feder.

E dosh khaj e accidenta so sas marcine ande Huddinge sas aba pindjardo ando decembro numa kanchi nas kerdo.

Tony Persson so si Trafikverkets underhållschef ande område öst Stockholmregionen, o sherutno so si te dikhel ke sa si lashiardo pe vurmi thaj e geshenca pe leski regiona phenel ke vov chi kamel te kerel spekulatci sostar kado kerdas pe.

Kana vov sas avri pushlo ando Studio Ett sas vov pushlo vaj e manush si te acharen ke shaj e gesha te traden avri anda vurmi thaj vov phendas ke kade nashtik te avel.

Johnny Nadérus so si vice sherutno ando SEKO - facket, buchiaki unia ando Stockholm si kriticno thaj phenel ke o Trafikverket trobusardov te lashiarel o problemo maj sigo kana von djangle ke si dosha ando decembro.

Vov phenel ke von chi len peski responsebilita.

Jekh kritika so butivar si vazdini opre si kodo ke o säkerheten, e sekurita pe vurmi si shindi mashkar but aktorura thaj kado si jekh dosh pala e vrama so sas ande bersh 1980 kana sas jekh avreglering.

Mikael Nyberg si jekh frilansjournalista thaj skiritori, vov phenel ke maj cerra buchiara lashiaren e vurmi thaj maj but manush keren buchi ande offici.

Marcine skirisardas Näringslivets transportråd khaj si jekh konsilja kusa but godstågskunder khaj Trafikverket thaj pushle khaj sa e but extra shela miljonura sas shutine.

Guy Ehring so si kanslisherutno po Näringslivets transportråd phenel ke trobuj te djanel pe khaj e love si shutine ke za but gesha trade avri anda e chorre vurmi.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".