Mona Danielsson hotovano pala kudo ke kherel butchi romantsa
nationalno

E Mona Danielsson sas hotovano pala lako butchi kusa romen

Mona Danielsson sas hotovano pala lako butchi romentsa
7:50 min

E Mona Danielsson si jekh gaji so kherda butchi kusa rom tala 22 bersh. Voj si o manush pala sa le romane kursoria pe o Sundbybergs Folkhögskola. Lake intresse aj panglipe romentza si dosta baro. Numa tala o shon november aj december sas varikon so vorbisarda late pe telefono aj phenda lake rasistno vorbi. Voj janel ke kado si pala kudo ke voj kherel butchi kusa e rom. E Mona phenelas amenge so sas phendino lake khatar kado manush ando telefono mashkar o ariat kana sovelas.

- Sar shaj kherel o manush butchi kusa rom, manush sar tu chi trubulas te avel. Kado si o hot so sas phendino kaj e Mona Danielsson so si samordnare aj kursusko cherutno pe le romane kursoria ando Sundbybergs Folkhögskola.

Voj majdur phenel ke voj choljavol pe peste korkoro ke chi pandavel o telefono. Pe dujto vas e Mona gindil ke kado shaj avel variso pala le but nevimata pa e rom sar for examplo e registra pa rom vaj le but rasistno videoria kaj si todine pe differentni internetoske riga sar o Youtube.

Voj vi phenel ke kado kham si pala o vasdino rasismo ando Shvedo aj vi phenel ke varikaj acharel ke naj lake drago kadala telefonoria aj vi phenel ke shaj acharel jekh tsera dar.

O rektoro pe o Sunbybergs Folkhögskola o Arne Georlin phenel ke e shkola silen jekh responsibilita kharing le manush so kheren butchi lenge pe e shkola. Vo vi phenel ke kado chi trubulas te kerdjolpe kharing jekh manush savo kherel butchi kusa romen aj so khamel te jutil e romen te shaj len vi von edjukatsia te shaj aven vi von andre ando samhället.

O rektoro majdur phenel ke len silen jekh krisako gruppa aj vi ke von shaj jutin e Monas te lel jekh nevo bucthiako numero. Majdur vi phenel o rektoro Arne Georlin ke kado chi del effecto kharing le romane kursoria pe maj angle aj ke kado chi kherela ke e shkola si te lel tele chi jekh romano kurso.

Numa sosko effecto kherel kado kharing e Mona pe maj angle lako butchiasa romentza.

E Mona phenel ke kado chi del effecto kharing te jal angle te kherel butchi kon le romane kursoria te si ke del effecto attunchi del ferdi jekh positivno effecto pala kudo ke voj choljavol aj phenel peske ke vorta anda kado musaj te kheres butchi kusa le romane kursoria.

E Mona dine opre e politsiake so kherdjilo kharing late aj khana ame vorbisardam kaj o Södermalmspolitzia te las te janas majbut pe so shaj kherel e politzia kharing kado situtsia so kherdjilo e Monasa aj vi te janas sar e politzia dikhel pe jekh kasavendar trakaseria aj hot attunchi avilo o atveto so ame chi ajukerdam.]

E politzia pe telefono phenel ke so e Mona dino opre si rubricirime sar "ofredande" aj ke vuchem si todino tele khatar jekh taneskobefäl. E politzia vi phenel ke kadala telefonosko konversatsia sas ferdi trivar khatar jekh garudo numero.

Kana ame vorbisardam kaj e stationschefo pe o Södermalmspolitsia ando Stockholmo te las te janas sostar sas kado todino tele e Therese Johansson kaj si stationschefo phenelas kadja amenge]

- Te si ke me ferdi dikhav pe o caso so si dino opre attunchi naj but phendino khatar e juvli so shaj kherel te jas ame angle kusa kado caso. So ame janas si ferdi ke jekh mursh vorbisarda trivar kaj e juvli. Te si ke avinosas majbut informatsia vaj underlag attunchi ame dikhas pe kado caso surales ke trubulas te avel vasdino ando kris aj te arakhas o manush kaj kherdas kado.

E Therese Johansson majdur phenel ke si jekh hatgrupp vasdino andi politsia te kheren butchi kusa kasavendar casoria ke sar voj dikhel si ke kado naj vorta so sas kherdi aj ke kado si sar jekh hatbrott.

Kana me maladjilem e Monasa aj puchlem latar sostar voj chi dino kado opre kaj e politzia direktno khana sas aj sostar voj ajukerda attunchi voj phenelas sar jalas lake gindoria angla kudo ke dino kado opre kaj e politzia.

- Me dem ma gindo ke e politzia chi kheren prioritatsia pe le romane puchimata aj ke von chi jana angle kusa kado numa kam musaj mange te paruvav more gindoria ajte dav kado opre lende.

Voj majdur phenel sar lake maj pashe manush aj familja reaktulinas kharing kado sar von chi acharen sar kado shaj kerdjolpe kharing varikas so kherel jekh dosta lasho aj suralo butchi manushenge save kana godi sas diskirime.

Voj vi phenel sar reaktulilas e romane studentoria save gatosarde lengo kurso de jekh shon parpale.

- Me vasdem kado andi gruppa so sas man kusa le rom kaj sas te avel behandlingsasistentoria de jekh shon parpale aj von reaktulinas pe kado aj phende ke naj vorta ke me trubuvas te lav kadala telefoja kana von aljarde ke chachimata e vorbi kharing lende si.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".