Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Statsministro Fredrik Reinfeldt po Folk och Försvar. Foto:Henrik Montgomery/TT

Folk och Försvar

Shvedoski defencia
3:20 min

Aratchi las pe e konferencia ande Folk och Försvar ande Sälen kadi konferencia inkrela pe zhi tehara thaj kote vazdel pe but buchia pa Shvedoski defencia ando them thaj internationalno.

Shvedoski defensia las dosta but kritika tela e palune bersh numa o Fredrik Reinfeldt phendas pe konferencia ke e defencia zurajlas pala e Alliansaki buchi de khatar o bersh 2006.

Statsministro Fredrik Reinfeldt phendas vi kodo ke trobuj maj but internationalne buchia kaver partneronca te malavel pe tele o globalno teroro vaj cyberatakura. Pasha kodo phendas vov ke naj akanak aktualno ke o Shvedo dela andre ando Nato.

Jekh nevo opinjako rodipe khatar Myndigheten för samhällsskydd och beredskap, MSB, sikavel ke o majoritet sinke chi kamel te avel Shvedo ando Nato numa sikavel vi kodo ke e opja te djal o Shvedo ande Nato vazdas pe kusa 8 procenti tela 2 bersh.

40 procenti si prociv thaj 36 procenti kamen o shvedo te djal andre ando Nato.

Zurali kritika sas vazdini karring Shvedocki defensia kado paluno bersh, kado pala kodo ke riksrevisionen muklas pesko rapporto khaj sikadas ke naj dosta personalo thaj materialo.

Na durmut skirisardas vi Svenska Dagbladet ke e defenciaki maj zuralo vapensysten si maj cerra ande praktika akanak sar kana Socialdemokraterna inkrenas o them angla o bersh 2006.

Pasha kado phenel o Statsministro Reinfeldt ke e defencia si maj zurali de khatar o bersh 2006.

Kon inkrel o chachipe kana aven duj fakti?

Annika Nordgren Christensen khaj sas maj anglal riksdagsledamot ande Miljöpartiet thaj säkerhetspolitisk debatör del jekh explenatcia thaj phenel ke e sifri shaj sikaven diferentno numa atunchi musaj te djanel pe save sifri sikavel pe.

Annika Nordgren Christensen phenel vi kodo ke kodo so Statsministro phenel si chachipe numa kana dikhel pe kavere jakhenca pe kaver punktura si vi e kaveren chachipe ande kodo so von phenen.

Vi o pachape pelas ande defencia pelas ando Shvedo sikavel e opinja khatar MSB ande palune bersh.

Ando bersh 2011 pachalas 40 procenti anda narodo ke e defencia si zurali thaj ando bersh 2013 pachalas feri 26 procenti ande defencia.

Statsministro chi pachal ke e alliansa inkrel e responsebilita khaj kado feri ghindoj ke kado shaj te avel e resta de khatar e vrama so las pe tele o vänplikten o masajipe te djal pe khaj e ketania ando Shvedo.

Jekh kaver punkto so cinjarel o pachape ande shvedoski defencia si kodo ke russia vazdel opre peski defencia thaj ke len sas militarne treningura pasha östersjön thaj lengo treningo "zapad" khaj sas paluno bersh vazdas bare reaktci mashkar e manush ando Shvedo.

Numa vi te si kade chi dikhel o statsministro Fredrik Reinfeld jekh dar khatar e Russia  ke Förvarsberedningen chi dikhel dar thaj anda kodo chi trobuj o Shvedo te vazdel opre jekh maj bari defencia karing jekh invazia khatar Russia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".