Foto: P4 Sjuhärad

Debato ande Agenda pa rom som mangen

5:18 min

Angla nevo bersh skirisardas o Bo Rothstein so si  professor ande  statsvetenskap ando Göteborgs universitet jekh artiklo ande gazheta Dagnes nyheter khaj vazdas reaktci mashkar e rom thaj kaver manush ando Shvedo.

Vov skirisardas ke vov kamel te avel jekh zakono ando Shvedo te na avel slobodo te del pe love kodole manushenge so aven anda kaver thema ando Shvedo thaj mangen love.

Kado artiko vazdas but ghindura thaj o Thomas Hammarberg so sas maj anglal europako komisoneri pe manushikane chachimata skirisardas jekh kaver artiklo ande gazheta Dagens Nyheter khaj vov skirisardas  peske ghindura khaj sas kaver sar khaj sas khaj o Bo Rothstein.

SVT Agenda muklas kadale dujen ando Studio arachi te vorbin so von ghindon ande televizia.

Hans Caldaras debatoro thaj artista phendas ke vov acharel o ghindo savo si kaj o Bo Rothstein ale chi pachal ande leste.

Aratchi ande Shvedicko televizia birijas o narodo ando Shvedo te dikhel jekh debato mashkar o Bo Rothstein khaj si professori ande Statskunskap ande Göteborgsuniversitet thaj Thomas Hammarberg khaj sas europako konsiljako komesioneri ande manushikane chachimata.

Debato djalas pa jekh artiklo so Bo Rothstein skirisardas angla nevo bersh, khaj vov mangel jekh zakonosko parujipe te avel kriminalno te del pe love kodole manushenge so aven anda kaver thema, ande kadi situatcia Rumunia ke vov phenel ke kodo si förnedrande - te ladjavnoj kodo te del pe love e manushenge so mangen love.

Bo Rothstein phendas vi kodo ke te avilov jekh kasavo zakono te avel kriminalno te del pe love musaja o Shvedo te mangel khatar o EU maj zurale bushia karring e Rumunia, te lel e Rumunia peske manushen ando vast thaj te avel maj feder ande kodo them.

Thomas Hammarberg khaj dikhlas e problemura so e rom nakle ande rumunia pashe penge jakhenca phendas ke naj ladjavno e manushenge so mangen love. Ke len naj kaver drom. O ladjavo so si, si kodo trajo so von nakle kusa choripe thaj diskriminatcia so von nakle but bersh ande pesko them.

Thomas Hammarberg phendas ke musaj te vazdel pe opre o pushipe pa problematika khaj mukhen e manush penge thema te arakhen baxt ande pengo trajo numa kado pushipe so Bo Rothstein vazdel si feri jekh provokatcia pe jekh diskusia numa chi pachal ke kasave buchia djal te vazdel pe opre ande praktika.

E solutcia pe problematika trobuj te vazdel pe opre mashkar Europake politicara chi djal te vazdel pe bari kritika khatar shvedicka politicara phenel o Hammarberg.

O Bo Rothstein phenel ke trobuj te keren e shvedicka politicara maj but buchi te vazdel e zor karring Rumunia, ke pala lesko ghindo naj e Rumunia jekh kasavo choro them ke chi birij te zhutij peske manushen.

Bo Rothstein phendas ke vov chi acharel sostar o Thomas Hammarberg ghindoj sar vov ghindoj pa Rumunia.

Thomas Hammarberg das jekh atveto ke vov pindjarel e romengi problematika ande Rumunia a diskriminatciasa thaj pharimasa, vov phendas ke e rom chi birin te arakhen buchi vaj varisavo normalno trajimasko standardo kote.

- E rom chi birin te mangen love ande Rumunia, ke e manush chi zhutin len kote, phendas o Hammarberg thaj phendas pale ke Euroapaki unia musaj te kerel variso te lashiajvel e romengi situatcia ande rumunia.

O debato djalas diplomaticno thaj hekticno sar te zhutij pe e manushen e romen so mangen love ando Shvedo thaj sel duj manush zumavnas te sikaven ke lengo ghindo si maj lashio.

Po jekh pushipe dine von vast, ke trobuj e politicara te keren variso karing e politika so si  adjes ande Rumunia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista