EU kerel buchi karing extremismo

Buchi karing extremismo
2:43 min

So maj but zuralo extremismo barol krujal ande intrego europa thaj kado kerel ke trobuj akanak te avel maj but bucia prociv kado thaj trobuj ci maj but buchia so malavel kado tele.

Kado ghindoj e EU-komisionerka e Cecilia Malmström so tehara presentulija rekomendatci sar te arakhel pe kado thaj sar te ashiavel pe terne manushen so si po drom andre ande kadal nasul extremicne organizatci.

EU-komisionerka Cecilia Malmström phenel ke maj bari dar pe nasul högerextremism ande europa si akanak ande Grecia, Bulgaria thaj Ungro.

Cecilia Malmström inkrel e responsebilita pe säkerhetsfrågor pe sekuritake pushimata thaj voj phenel ke dikhel ke kerdjiol jekh radikalizatcia akanak pe extremicne righa so djan ande sel duj riga, cachi thaj stungo righ.

Pasha kodo phenel voj ke si vi problemo kusa nasul extremicno islamismo specialno kana dikhel pe so kerel pe kusa o maripe ande Syria ke si karring 1500 manush anda Europa so kamen te traden ande Syria te maren pe thaj pala kodo aven von aver ghindonca thaj birin te planulin teroristicne buchia.

Akanak kamel e EU-komisia te len sa e EU thema e rekomendatci khaj kerel pe diferentno buchia so keren ke manush so si ande extremicne gruppi te mukhen kodol gruppi.

Thaj Cecilia Malmström mukhela rekomendatci pe kado tehara.

Kodol rekomendatci si te startulin e EU thema, exit - organizatci sar khaj si ando Stockholm ando Fryshuset khaj kerel pe specificno buchi te mukhen kadal manush e extremicne grupi de khatar o bersh 1998.

Te startulij pe europako djanglimasko centro - kunskapscentrum.

Te vazdel pe konkretne handlingsplaner.

Te zurarel pe skolaki rola thaj pasha kadal si vi inke kaver rekomendatci so malavel tele e extremicne buchia.

Cecilia Malmström phenel vi kodo ke EU si te del love te del pe a policia thaj socialne buchiaren maj but edukatcia te birin von te arakhen ternen so den andre ande kadal extremicne grupi.

De khatar e palune bersh si aba jekh antiradikalno network ande Europa khaj si karring 700 manush andre khaj si andre pilocia thaj diferentne religiozne liderura, numa e Cecilia Malmström phenel ke phares si te djanel pe akanak konkretno kechi kodi buchi das pe extremicno buchi krujal ande Europa.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".