Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

UMO - ternikani righ po Internet

Publicime tisdag 14 januari 2014 kl 13.20
UMO romanes
(5:49 min)
1 av 7
UMO po Arli
2 av 7
UMO po Svensk Romani
3 av 7
UMO po Kelderash
4 av 7
UMO po Lovara
5 av 7
"Panik lämna kocak"
6 av 7
Fredrik Lagerqvist kerel buchi po UMO Foto:Adam Szoppe Radio Romano
7 av 7
Love Nordenmark kerel buchi po UMO Foto:Adam Szoppe Radio Romano

De khatar o bersh 1999 si e romani chib jekh nationalno minoritetno chib, kodo kerel ke e romani chib thaj e kaver 4 nationalne minoritetne chiba si te aven maj zurale inkerde sar kaver minoritetne chiba. Organizatci thaj departamentura si te bolden pengi informatcia pe kadal nationalne minoritetne chiba, numa chi kerel pe kado pe sa kadala thana.

Akanak bolde duj thana pengi informatcia pe romani chib kodol si 117 vårdguiden khaj birij pe te djanel pe but pa zhutimaske zakonura, prubi thaj nasvalimata thaj UMO khaj si jekh informatciako than so del informatcia thaj zhutipe e ternimatonge pa differnente buchia sar identiteto, alkoholo, droga thaj sexo.

Von bolde 40 textura pe sako dialeto thaj kadi buchi gelas 1 bersh

Kado than si te del but informatcia thaj but zhutipe phenel e Love Nordenmark khaj sas projektledare thaj verksamhetsansvarig po UMO.se

UMO si jekh than so del but informatcia pe but buchia sar kamipe, sexo, drogi, mobbing stress thaj kaver buchia phenel e Love Nordenmark khaj inkrelas e buchi kusa kado pe e patrin, numa naj feri informatcia kado del vi jekh drom te kamel jekh terno te djal thaj te arakhel khaj jekh ungdomsmotagning, jekh than so zhutij e ternen ando them.

Kado so si nevo si ke kadi rig si akanak boldi pe 5 romane dialektura sar Arli, Lovari, Kelderash, Kaale thaj svensk romani. Thaj o ghindo si te arakhen vi e terne rom so si khatar 13-25 bersh te arakhen kadi patrin.

Kade sas aba o UMO.se 5 bersh pe shvedicko chib thaj but ternimata djan kote te ginaven e informatcia so kote si skirime. Adjes aven kote karring 600 000 ternimata sako shon thaj e ternimata so aven kote si vi terne thaj vi phure, phenel e Love Nordenmark maj dur.

Pe kadi righ si e terne te arakhen penge informatcia thaj vi te len zor kana len si problemura, te birin te zurajven ande phende. Kote birin ternimata so ladjan te pushen uni buchia pa pesko puberteto te ginaven maj feder, vaj te arakhen kaver atvetura pe lenge pushimata pa sexo thaj alkoholo te si kade ke chi birin te pushen kado varikastar.

Pe patrin si jekh kocak, khaj diciol jekh muj thaj bushiol "Panik lämna sidan", kodo znacij te mukhel pe e patrin sigo kana si panika.

Kado kocak si vazno phenel e Love Nordenmark ke but manush daran thaj ladjan te ginaven informatcia so shaj te avel "känslig" sensetivno thaj kana acharen ke varikhon si pasha lende si von te birin te mukhen kodi rig sigo.

E informatcia si bulhi po UMO thaj 1177 Vårdguiden thaj univar shaj te acharen uni ke e informatcia si Tabu thaj ladjavno, numa e buchi nakhlas vi kade mishto e boldimasa phenel o Fredrik Lagerkvist khaj sas projektledare pe kadal boldimata so sas kerde pe romani chib thaj kaver nationalne minoritetne chiba. Vov phenel ke vov ghindojas ke shaja te avel ekcera problemura ke si ekcera sensetivne buchia ande textura numa las sama ke nas chi soske problemura.

E buchi naklas mishto numa sas ekcera kaver problemura phenel o Fredrik Lagerkvist. Chi djanelas pe savi alfabeta sas te avel ande textura. Pala jekh vrama line von perdal e rekomendatci khatar språkrådet thaj alosarde te avel o texto kusa internatcionalno romano alfabeto kusa e bokvi so aven anda osticno europa.

Jekh kaver buchi sas ekcera problematicno sas kodo ke sas jekh so boldelas o texto jekh översättare thaj pala kodo sas jekh kaver granskare jekh so dikhelas vaj o texto sas mishto boldo.

Problemo sas univar ke kadal duj manush ghindonas diferentno pe uni vorbi numa po agor naklas vi kodi buchi mashkar kadal duj djene.

Fredrik Lagerkvist phenel vi kodo ke vi te sas kadi buchi phari diklas vov jekh angazovano buchi khatar sa e gruppi so zhutinas ande kadi buchi ke kodo so sas maj vazno sas kodo te avel avri jekh texto so birij te zhutin e ternen thaj vov loshal ke kasavo zhutipe las vov khatar e romane organizatci.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".