Nationalno

Adjes angluno debatto mashkar e partijake sherutne kado bersh

5:25 min

Kadale bershesko debatto mashkar e partijenge sherutne sas inkherdo ando riksdagen adjes, thaj o Mikael Damberg anda Socialdemokraterna kritikulisardas e regeringos ke chores inkherde e themeski ekonomia. O statsminister Fredrik Reindfeldt pa peski righ vazdas pale e bucha sar o maj importatno pushipe ando alosaripe kaj site avel.

- Herr talman e alosarimasko bersh laspe. Thaj e bucha si o maj importatno pushipe.

Kade, kezdisardas o Fredrik Reinfeldt kadale bershesko angluno debatto mashkar e sherutne ando riksdagens partiji, thaj leski angluni vorba sas pa e bucha. Vov phendas ke o allianso majdur rhodena zutipe vaj supporto pe panch "utgångspunkter" vaj punktura ando alosaripe kaj site avel kado bersh. Kado si pa kodo o te zias maj angle le regeringoske buchaka linjasa, te inkras o phuterdo handlo ande luma, majdur te zurajvel e svedoski ekonomia, te zuraren e edukaciako sektoro, thaj vorbijas pa e "verktygslådan" vaj jek boxo kusa konkluziji o te zutin gruppen kaj si specialnie diskriminovani pe buchako marketo.

- Kusa kadal panch punktura sar jek fundamento kamaf te phenav ke zial. Zial o te anas andre maj but bucha. Kusa jek zurali ekonomia, o bharipe kaj kheras khetanes, majbut manush kaj kheren buchi, maj cera ziene kaj si avral vaj diskriminovani. Kusa entreprenörer thaj företagare vaj manush kaj si le firmi, kusa kommuni thaj landsting, das e Svedos possibiliti te dhikel maj angle, phendas o statsminister Fredrik Reinfeldt.

O Mikael Damberg, kaj si e Socialdemokratongo gruppako sherutno ando riksdagen thaj kaj prezentulijias la partia ando debatto anda kodo ke e partiako sherutno o Stefan Löfven naj les jek than ando riksdagen, kritikulijas le regeringos thaj e Reinfeldtos ke na mishto inkherde e ekonomia. Von kheren bare csinjarimata ande skattura kana le themeske finansura kerdzion so maj slabi, phendas o Damberg. Thaj vov sikavelas po departemento Ekonomistyrningsverkets prognosa de jek shon kodoleske kaj sikavel ke za cera avla pe 87 miliardura ande phuterde finansura po kaver bersh.

- Thela ferik ohto bersh shudas o Fredrik Reinfeldt avri intrego arv katar o Göran Persson, thaj sa kichi inke maj but. Kherdas ke 65 miliardura koroni plus kerdzile 87 miliardura za cera. Kado si serinozno, phendas o Mikael Damberg anda Socialdemokraterna.

O Fredrik Reinfeldt shudas palpale e kritika thaj phendas ke o regeringo inkherde e ekonomia mishto, thaj ke le zurale themeske finanansura kherde ke e situacia pe buchako marketo si maj lashe ando Svedo sar ande kaver thema pashe, sar Finlando thaj Dania, thaj kadalesa las te kritikulij le Socialdemokraton.

- O baro pushipe tumenge savorenge kaj shunen pe svedisko politika krujal intrego them. Birin tume te phenen kana maladzilan jekhe Socialdemokratosa kaj phendas, " akanak trobuj te shas love pe rikh" akanak trobuj maj cera. "Akanak acharas ame ke za but shudas ame kusa le phuterde resursura" dhiklan varekana jekhe socialdemokratos kaj kade acharel?, Na, kathe den vorbi pe sakofallo savorenge, phendas o Dredrik Reinfeld kana kritikulisardas le Socialdemokraton.

Ferik ke o Mikael Damberg anda Socialdemokraterna pa peski rikh phendas ande peski vorba ke trobuj maj but fokus pe bucha thaj pe shkoli. Si jek kaver drom sar o regeringo alosarde, phendas o Mikael Damberg.

- Pala ohto bersh kusa o Fredrik Reinfeldt sar statsminister si e svedosko arbetslöshets vaj manush bi buchake maj baro sar kana las vov pesko than. Pala ohto bersh ke o Anders Borg csinjardas e skattura si la Svedoska ekonomia za cera ando budgeto kade ke sam ande rizika te ashas pe EU´s kali lista. Pala ohto bersh shkolaki politika katar o Björklund si e svedisko shkola pheradi. Ame dikhas ohto hasarde bersh. Ferik ke sigo vrana trobuj o Svedo te alon drom. Me dikhav loshasa karing o alosaripe.

Si te zias angle sa koda politikasa vaj si te avel ame jek nevo gindo? Ame priotitaciji si virazni. E bucha anglunes, pala kode e shkola thaj o välfärd. Si jek kaver drom le Svedoske, phendas o Mikael Damberg anda Socialdemokraterna ando riksdagen kana sas o debatto mashkar e partijake sherutne.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista