Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

UR pe romani chib

Publicime onsdag 15 januari 2014 kl 13.50
UR pe romani chib
(6:24 min)
Exemplo pe romane programura khatar UR

Utbildningsradion si jekh anda e 3 publicservice firmi so si ando shvedo, e duj kaver si Shvedicko radio thaj Shvedicko televizia. Utbildningsradion si te del programura so si edukativne thaj informativne thaj pala o bersh 1999 kana e romani chib kerdjilas sar jekh nationalno minoritetno chib ando Shvedo si von te mukhen vi romane programura.

Anglunimastar nas but programura numa pala jekh vrama las o utbildningsradion te mukhel so maj but thaj so maj but pe romani chib.

Akanak sar las pe o bersh 2014 planulij o UR te mukhel inke maj but pe romani chib, kado phenel e Ammi Malmros khaj si programchef po Barn och Ung po Utbildningsradion.

Ammi Malmros si sherutni po Barn och Ung po Utbildningsradion voj  phenel ke  von planulin te keren maj but programura pe romani chib tela kado bersh 2014 thaj pasha kodo kerna von korkori pengi produktcia so boldela pe karing e rom.

Kado bersh planulin von te keren neve programura so boldela pe cine chavorenge thaj von kerna kado pe 4 romane dialektura. Kelderash, Arli, Kaale thaj Lovari.

Thaj e angluni buchi avla språklådan phenel e Ammi Malmros.

Ande kadi språklåda avla muzika, drama,khelipe thaj kaver buchia so birija te interesulij e ternen te dikhen te shunen thaj te sitcion pengi chib.

Ammi Malmros phenel ke len si jekh plano pe 5 bersh khaj bararel pe jekh banko romane programonca thaj tela angluno bersh kerla pe programura pe 2 dialektura thaj po kaver bersh pe 2 kaver dialektura.

O budjeto avla ekcera maj baro kado bersh pe nationalne minoritetne chiba phenel e Ammi Malmros maj dur ke kado bersh mukhlas o them extra love pe kadal chiba thaj maj but avla shutino pe romani chib.

Kado bersh 2014 avla jekh maj lashio bersh khaj o UR pe nationalne minoritetne chiba thaj pe e romani chib, numa o UR kerdas dosta but pe romani chib e palune bersh.

UR mukhel peske programura vi ande Shvedicko televizia thaj vi ande Shvedicko Radio thaj kodo kerel ke birij pe te shunel pe thaj vi te dikhel pe lenge programura phenel e Ammi Malmros.

Pasha kadal si vi kaver paramichi khaj UR muklas khaj si kerde khatar kenvi vaj pa natura vaj kaver fiktci so shaj te interesulij e romane chavoren.

Ammi Malmros phenel ke si aba programura pe romani chib khaj si kerde pe 4 romane dialektura nas chi soske prioritatci pe savo dialekto sas e programura kerde numa phenel ke paluni vrama sas ekcera maj but programura kerde po kaalo.

Po UR chi kerel chi sosko rom buchi adjes thaj naj len plano te roden jekhe romes akanak, phenel e Ammi Malmros thaj phenel kodo ke khaj o UR si jekh romano dialog gruppa pangli khaj zhutij len ande but buchia thaj von zhutin len kon birij te zhutij len ande lengi buchi.

Ammi Malmros phenel vi kodo ke but programura si pe romani chib pe lengi internetoski righ numa djanel ke but rom chi djanel kado thaj ke maj but informatcia trobuj te avel avri khaj e rom pa lengi buchi, ke lengi buchi si te den edukativne thaj informativne programura thaj phenel sar trobun e manush te djan te arakhen e romane programura po UR.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".