Foto: Fredrik Persson/TT.
nationalno

Adjes presentulil o SJ jekh investeringo pe miljardoria kroni

Pala o presskonferansa: O SJ investerin kharing 3,5 miljardoria kroni andi jekh suralo nevjarimos aj paroimos pe le SJ 2000-vonatoria. Le vonatosko teknika si te avel topmoderno aj andral si te avel but maj freshno aj shukar del avri o SJ.

Anglunes si te kheren le teknikako nevjarimos aj pala kudo si te kheren o priomos pe o konferto so si te kherel jekh attcharimos ke le vonatoria si totalno neve kharing le manuch kaj traden andi lende del avri o VD Crister Fritzson.

O investeringo vaj satsning si jekh janglo inkherimasko aj miljernostrategia kaj nevjaren majbino sar te vasden neve del avri o SJ. Pala o paruimos si te avel e vonatoske jekh energiakoförbrukning so si teljardo pe kharing 10 procenti.

O pervo nevo SJ 2000-vonato si te avel ando trafico ando bersh 2016.

Kadja phenel o VD Crister Fritzson pe o preskonferansa so sas inkherdo adjes.

- Normalno ke sim but loshako te shaj dav tume o messago pe o maj baro investeringo so kherdas o SJ aj vi kham o maj importantno so ame kherdam pe 150 bersh. Kado si jekh kadja baro investeringo ke si te anel o vonatosko tradimos andre ando futura.

Ame shaj garantulisaras ke o SJ2000 si o maj michto vonato kharing e shveditska infrastrukturo. Ame vi shaj garantulisaras ke ame si te avel ame le maj skurti domeskovrama anda sa le vonatoria ando Shvedo.

O ABB si von kaj si te inkheren te kheren o paruvipe aj von len 1,4 miljardoria kroni pe kado. Partoria anda o produktiono si te avel todino ando Shvedo.

Angla o prssskonferanso: O SJ si te presentulin jekh investeringo so si varto but miljardoria kroni. O shefto si  phendino ke si o maj baro tala e firmako 150 bershesko historia ramol e gassetta Dagens Nyheter. O Ulf Wallin phenel ke kado investeringo si kherdo pala kudo ke von khamen te aven o angluno alosaripe khatar le manush kaj traden (resenärerna) pe bish bersh angle.

O satsning avel vorta andi jekh vrama kana si maj vonatoria pe le shveditska vonatoske droma. Vuchem pala milaj si te len konkuransia o SJ pe o maj importantno drom mashkar Stockholmo aj Göteborgo.

O Citytåg si te avenle trivar o djes jekh vonato so jal kado drom mashkar luja aj parastuj, o MTR-koncerno si te vasden jekh fugakovonato pe kudo drom kusa ochtovar o djes sako djes. Totalno si te vasdele o vonatosko traffica pe kudo drom surales.

Adjes kal mismeri si te den avri o SJ so si lengo nevo investeringo so o Ulf Wallin chi khamel te phenel angla o presskonferansa.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".