Foto: TT
nationalno

EXTRA: Nevo Raoul Wallenbergprizo jal ka jekh rom anda Turkia

O deshoeftato januari si te avel dino avri jekh nevo Raul Wallenbergsprizo kaj o Evropakorådets kontora ando Strasbourg. O prizo si andektan todino khatar o Evropakirådet, E shveditska regeringo aj o ungritsko parlamento sar jekh memoria pa o Raoul Wallenberg aj leske michtimos tala le bersha 1944-1945.

O pervo manush kaj lel o prizo si o romano aktivisto aj dokumentarno filmaro Elmas Arus anda Turkia. E prizo 10.000 Evro si plal kudo ke vo vasda o janglipe pa e romengo situatsia ando Turkia aj vi ke vasda e dikriminatsia pa rom ando o politichno debatto kharing te kherel jekh dokumentarnofilmo aj ke vasda e organisatcia "zero Discrimination Association".

O prizo si te avel dino avri sako dujto berh o deshoeftato ando shon januari so si o djes khana chuchilde o Raoul Wallenbergos. O gindo le prizosa si te vasden jekh invido, organisatcia vaj gruppako humaniterno butchi vaj insatso.

O Olle Wästberg si alosardo avri khatar o avritemeskodepartementote avel andre ando jury save alosaren sostar aj kon te lel o prizo. Vo maj angla sas jekh samordnare ando regeringo pe o Raoul Wallenbergbersh 2012 aj si te avel pe tan kana si dino avri o prizo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".