Joakim von Sheele vorbij pa e buchi so avla pa rom. Foto:Adam Szoppe/Radio Romano

Forum för levande historia kerla maj but pa rom

Maj but pa rom
4:08 min

Forum för levande historia si jekh myndighet so si te malavel tele intoleranso pala historiako djanglipe thaj von si te den djanglipe pa historia thaj kodo so kerel pe adjes.

Forum för levande historia del chokaja - verktyg te kerel pe buchi a demokratciasa thaj pa manushikane chachimata thaj von keren buchi pa intrego shvedo.

Kado than sas phuterdo ando bersh 2003 thaj de kodi vrama keren von but buchi te sikaven so kerdas pe tela o dujto ljumako maripe thaj kerde but buchi kadalesa.

Kado bersh 2014 kerla pe maj but buchi sar maj anglal pe e rom thaj so e rom nakle tela o holocaust phenel o Joakim von Scheele khaj inkrela kadi buchi po Forum för levande historia.

Joakim von Scheele inkrela e buchi kusa e romane buchia so avna khatar o bersh 2014 -2016, Forum för levande historia dela maj but zor ande e romani historia tela dujto ljumako maripe thaj so kerdas pe pala kado ando Shvedo.

Joakim von Scheele phenel ke von line sama ke e manush ando Shvedo djanel za cerra pa e romengi historia tela o dujto ljumako maripe thaj so e romengi historia kerdas e romenge ande adjesutni vrama.

Akanak kamel pe te del pe djanglipe ke si antiziganismo thaj te del pe chokaja sar te malavel pe kado tele thaj anda kodo vazdel pe kado satsing pe rom kadal 3 bersh.

Kado bersh vazdela pe maj but seminariumura/Workshops pa rom krujal ando them, zumavla te vazdel pe jekh projekta khaj sikavla khaj e rom trajinas maj angle ando shvedo thaj te birin sa e manush ando Shvedo te dikhen kadal thana.

Vazdela pe jekh internetoski rig pa e romengi historia tela e ljumako maripe khaj birina e manush te ginaven thaj te dikhen romen so nakle kodi vrama.

Pasha kodo anavel pe perdal e romani exibitcia so sas ande Göteborg ando foro Stockholm so avla khatar 1 augusti 2014 zhi khaj 1 augusti 2015 khaj e rom kerna buchi sar khaj kernas ando Göteborg.

Kado bersh e rachi mashkar 2-3 augusti avla 70 bersh sar khaj sas o Zigenarnatten khaj e but rom sas mudarde ande Auschwitz-Birkenau thaj kado kamel pe te vazdel pe opre varisar ando Shvedo thaj te tradel jekh delegatcia anda Shvedo.

Forum För Levande Historia vazdel e romangi historia maj but sar maj anglal thaj rom krujal anda Shvedo denas maj anglal kritika ke Forum för Levande historia chi kernas dosta but buchi pa rom thaj butivar sas vi jekh puterdi kritika vazdini karring lende.

Joakim Von Scheele phenel ke von kamen te vazden e romengi historia ke trobuj te del pe kado djanglipe e manushenge, vov phenel ke von kernas maj anglal buchi kam na kade but sar khaj trobunas numa phenel vi kodo ke trobuj te dikhel pe angle thaj te kerel pe e buchi so shaja te del e shvedoske narodos maj but djanglipe pa e rom thaj so von nakle tela o dujto ljumako maripe.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".