Arkivfoto: Kaarina Wallin/Sveriges Radio.
nationalno

Rumunia lel kritika khatar politchino manush anda Folkpartia pa le rom kaj mangen love

Rumunia lel kritika khatar o Shvedo pe le rom kaj mangen love
5:43 min

Adjes ando gaseta Dagens Nyheter shaj ginel o manush jekh debatosko articlo so e Lotta Edholm aj o Erik Scheller anda Folkpartia ramosarda. Kotche skirilpe ke vi e Rumunia aj kaver Eu-tema musaj te len pengo responsibilita pe lengo manush.

Kado si pala de but romane rumunuoria kaj aven ando Shvedo te mangen love pe le droma. Aj le kosti kaj arisen pe o tem o Shvedo chechimasa trubunas te arisen pe e Rumunia aj anda kudo musaj o Shvedo aj o intrego EU te avel maj surale kharing for examplo e Rumunia phenel e Lotta Edholm kaj si skolborgarråd ando Stockholm stad anda Folkpartia.

- Avile e vrama te avel maj suralo o Stockholmosko foro kharing Rumunia aj vi ke o EU trubul te aven vi von maj surale kharing lende phenel e Lotta Edholm anda Folkpartia.

Socha de khatar o bersh 1920 nas kadja vucho pe le manush kaj mangen love pe le droma ando Stockholmo ramol e Lotta Edholm aj o Erik Scheller anda e folkpartia ando gaseta Dagens Nyheter. E Lotta Edholm vi ramol ke anda le desh kaj mangen pe le droma si inja anda lende rom anda Rumunia.

Len naj len prava vaj o chachipe te shaj len försörjningsstöd vaj lovengo jutipe khatka ando Shvedo numa sa jekh len jutipe pe kaver modi. Numa akana arisli e vrama te arisel e faktura kotche kaj chachimasa trubulas te arisel aj kudo si ando Rumunia.

Akana musaj e Rumunia te dikhen aj te len e rosponsibilita phenel e Lotta Edholm.

- Ferdi so shaj jutil kado te na avel manush kaj mangen pe le droma ando Shvedo si ke le trajosko situatsia ando Rumunia avel maj feder te shaj aljarel le manush kotchar ke len silen e chansa te pravjaren pen korkoro ando pengo tem. Nume te shaj avel kado chachimos musaj le evropaki tema aj o EU te tol sor aj vi te vasden stresso pe e Rumunia.

Vi avilo khatar kaver politichno riga e proposalia te na avel muklino te mangel manush love pe droma numa pe kudo chi khamel e Lotta Edholm te inkherel.

- Kadala manush trajin pe kado. Te shaj o manush te chidel peske paro mia te shaj traden kaj pengi glati te shaj trajin. Te lel o manush kudo possibilita lendar sas te avel trageditchno. Ame musaj te les sama ke kudola tema kaj silen e responsibilita pe pengi citicensoria chachimasa len e responsibilita pe lende.

Majdur vasdel e Lotta Edholm aj o Erik Scheller ando articlo ke von chi khamen te len tele e chansa te shaj trades sar tu khames ande diferentni Eu-tema. Von vi ramosaren ke si janglo ke e Rumunia si jekh anda e maj chorore tem andi evropa numa varisar sa jekh trubulas o tem te kheren jekh maj feder situtasia e romenge ando tem.

E Karin Rågsjö anda e Vänsterpartia kaj si Vice gruppledare ando Stockholmo inkherel kusa e Lotta Edholm numa vi del kritika ke o Stockholmosko foro shaj kheren majbut sar for examplo te barjaren le jutimasko soimansko tana so sas vasdine ando Stockholmo.

- E Rumunia musaj te len jekh maj baro responisbilita pala kudo ke e rom si surales diskirime andi kadala tema khatar von aven. Numa tala kudo vrama musaj te avel kherdini djeli ando Stockholmo amendar korkoro, sar for examplo kudola rom kaj si andi camporia silen jekh dosta normalno djesutno trajo.

O Vinternatt kaj si jekh anda le härberg vaj tana kaj shaj soven so o Stockholmosko foro vasda shaj vasda majbut tana te shaj soven majbut manush ke dosta chill si avri tala o ariat phenel e Karin Rågsjö anda Vänsterpartia.

Pe kado del e Lotta Edhom o attveto ke kanagodi shaj avel majbut kherdini numa vi si importantno te avel vasdino ke kado naj jekh musaj ke o Shvedo kherel variso kadala manushenge numa kado majbino si jekh manushikano butchi te jutil o manush kadala romenge.

Numa ke shaj kherel o Stockholm stad majbut vuchem kheren but adjes phenel e Lotta Edholm so vi phenel ke e Rumunia chi inkheren pengi vorba so von dine kana sas von alosarde te shaj aven andre ando EU aj vorta anda kudo musaj o EU aj kaver tema te surjaren kado puchipe ke te na avel bisterdo ke kado chachimasa si jekh rumuniako problemo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".