Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Naj but vorbipe pa EU khatar e politicara

Publicime tisdag 21 januari 2014 kl 12.17
Naj but pa EU
(2:34 min)

Kado bersh 2014 akardjiol supervalåret - super alosarimasko bersh khaj si vi o baro politicno alosaripe khaj riksdagen thaj khaj Europako parlamento.

Numa kana sas o angluno bershesko politicno debato ando riksdago chi vorbijas pe but pa EU-alosaripe.

Kado si seriozno ke naj but vorbipe pa EU-alosaripe phenel o statsvetare Magnus Blomgren khaj si anda Umeå universitet.

Tela 4 chasura thaj 17 minutsi partiako debatto e sherutnenca anda e politicne debatura ando riksdagen pominisarde e politicara feri duvar pa  EU-alosaripe.

Angluni data vorbijas e sherutni anda Miljöpartiet Åsa Romson kana voj vorbijas pa klimatoski politika thaj kana o Björn Söder anda Sverigedemokraterna pushlas khatar o Jan Björklund anda Folkpartiet vaj vov kamel te avel jekh federalno EU.

E dosh khaj kado si ke e politicara chi birin te njerin politicno sympatia ando riksdagsvalet ghindoj o Göran Färm anda Socialdemokraterna khaj beshlas ande Europako parlamento de khatar o bersh 1999.

Dar kadalesa ke chi vorbij pe pa EU si kodo ke e manush chi acharna ke o EU alosaripe si vazno thaj kodo shaja vi te kerel kodo ke e manush hasaren o pachape ande EU parlamento vi te si kade ke o EU parlamento lel but decizi so djan vi opral pa Shvedo phenel o Göran Färm.

Jekh kaver Europako parlamentariko o Christofer Fjellner anda Moderaterna phenel ke si ekcera brigako ke naj but vorbipe pa Europako alosaripe thaj dosharel vi e sherutnen anda e politicne parti thaj phenel ke vov kamlov lesko sherutno Fredrik Reinfeldt te vazdel opre o pushipe pa EU alosaripe te acharen e manush te alosaren vi pe lende ande EU-alosaripe

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".