Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Maj lokho avla chavorenge te len asylo

Publicime onsdag 22 januari 2014 kl 10.53
Maj lokho chavorenge so roden asyl
3:02 min

Adjes mukhlas e gazeta Svenska Dagbladet o nevipe ke sas jekh dealo kerdo, jekh uppgörelse mashkar regeriungo thaj miljöpartiet khaj kerel kodo ke maj but shavora so roden azylo, asylsökande barn birina te ashion maj lokho ando Shvedo.

Maria Ferm so si Miljöpartiets migrationspolitiska manush phenel ke kado dealo kerla ke avna konkretne parujimata akanak kodole chavorenge so roden asylo ando Shvedo.

Konkretne parujimata avna akanak ando zakono pe chavora so roden azylo ando Shvedo phenel e Maria Ferm so si migrationspolitisk manushni ande miljöpartiet.

Aba ande paluno bersh das o regeriungo thaj e miljöpartiet vast te avel jekh parujipe ande utlämningslagen so avla 1 juli kado bersh.

Atunchi sas e vorba synnerligen "ömmande" omständigheter kodo so sas te ashiavel e chavoren numa akanak paruvel pe e vorba synnerligen pe "särskilt" thaj kodo kerla ke avla maj lokho e chavorenge te ashion ando them.

O parujipe sas kerdo phenel e Maria Ferm anda kodo ke e angluni vorba ömmande sas maj restrektivno thaj kodo kerlas ke maj phares sas te ashiol pe ando them.

Katar 1 juli kado bersh birina chavora tela 18 bersh te ashion te si len särskilt ömmande omständigheter.

Kadal buchia si tele skirisarde te sikavel kana jekhe chavores si särkilt ömmande omständigheter thaj kodol si sar exemplo kana jekhe chavores si jekh pharo nasvalipe thaj te avla kodo chavoro avri bishado shaja kado te paruvel lesko trajo.

Te nakhlas o chavoro phare tramaticne buchia so das les dosha po trajo.

Te si o chavoro lino khatar e familja khatar socialo.

Te si o chavoro lungo vrama ando them thaj inkrel but kontaktura ando them - nätverk thaj naj e chavores kodo ande lesko kaver them.

Maria Ferm phendas ke sar si adjes birin chavora so arakhadjile ando shvedo thaj phiren ande skola te aven avri bishade khatar thaj kade chi trobuj te avel maj angle.

Kadal propozalura so Miljöpartiet thaj regeriunglo dine si te kerel kodo te avel maj lokho e chavorenge te len paca - permament uppehållstillstånd vaj vramaki paca tidsbegränsat uppehållstillstånd thaj kadal propozalura keren te na dikhel pe kade restriktivne pe chavora sar pe maj phure.

Thaj vi te si uni punktura pe buchia so si te aven dikhle kana si te zumavel pe o asylo shaja e migrationsverket vi te dikhel khatar khaver buchia so sikaven e o chavoro trobuj te ashiol ando Shvedo, phenel e Maria Ferm

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".