Sverigedemokraterna. Foto: TT.
nationalno

O Sveridemokratura line 1,4 miljonoria khatar o tem pe xoxaimata

O Sverigedemokratora (SD) vasda ando bersh 2010 jekh juvliangoförbund pe lil te shaj len chochaimasa 1,4 miljonoria ando bidrag ramol o Aftonbladet. E partiako purano kanslichefo Daniel Assai phenel ke kado si jekh strategi te shaj lel e partia love kaj lengi kassa.

Vo majdur phenel ke lengo partiako kassa sas kanchesko pala e electsia. O Daniel Assai mukhla pesko tan ando partia vuchem. Pala so del avri o Aftonbaldet o Assai kusa o Jimmie Åkesson aj lengo ekonomiakochefo so sas le attunchi o Per Björklund von sas te ramosarde jekh chochamno lovengo rodimata kaj o riksdagens partiakobidragsnämd aj kusa tippexo makhle opral pa "SD kvinnors nätverk" aj parode te avel "sverigedemokratosko Juvliangoförbundo", jekh förbundo so socha nas.

Te shaj lel o förbundo lovengo jutipe vaj bidrag musaj von te existin. O SD ramosarda jekh chochamno protokollo khatar jekh bershesko aj bordoskokidipe so sas te lel tan ando shon augusti ando bersh 2010 angla kudo ke le lila sas tradine andre ando shon november.

Pala jekh shon, kana o Åkesson ramosarda pesko anav pe o ansökan la o SD o temesko lovengo jutipe pe o milijono.

Numa te dikhel o manush pe o juvliango förbundosko internetosko rik so si adjes attunchi si ramosardo ke o pervo bershesko kidipe sas ando shon maj ando bersh 2011.

O Jimmie Åkesson nashtil te del jekh atveto te si ke sas jekh juvliango förbundo kana vo ramosarda pesko anav pe o ansökan kaj o Aftonbladet aj mukhel o intervjuo lentsa.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".