Manush shaj te phabaren memeli po Raul Wallenbergs torg. Foto:Adam Szoppe/Radio Romano

27 januari ando Stockholm

27 januari
5:06 min

2 ceremoni sas inkerde ando Stockholm arachi, jekh officialno khaj o Forum för levande historia inkerdas po  Raul wallenbergs torg thaj jekh kaver ceremonia so É romani glinda inkerdas kusa Forum för levande historia ande S:t jacobs khangeri ande Kungsträdgården.

E angluni ceremonia sas 30 minutci lungo khaj sas vorbipe inkerdo khatar Eskil Frank so si överintentent ande forum för levande historia, Birgitta Olsson so si EU thaj demokrati ministerka thaj Romani Rose.

Ande publika beshlas e kronprincessa Viktoria thaj lako rom o Prins Daniel.

O vorbipe sas zuralo khaj vorbijas pe ke musaj te vazdel pe opre e romengi historia pa holocaust thaj nashtik te garavel pe kado.

Po agor phabarde e manush memelja angla e mulura thaj pala kodo djanas e but manush maj dur pe dujto ceremonia khaj É romani glinda sas te inkren ande S:T jacobs khangeri so sas 500 metri khatar o Raul Wallenbergs torg ande Kungsträdgården.

But manush phirnas khetanes pala e officialno ceremonia po Raul Wallenberg torg thaj djanas karring S:t Jacobs khangeri.

E but manush so phirnas sas ande ghindura, ke but sas phendo thaj pasha kodo sas zurale vorbi phende khatar e EU thaj demonkrati ministerka Birgitta Olsson, kado so kerdas pe si bisterdi historia thaj ame nashtik te mukhas kadi historia te avel hasardi feri musaj te vazdas kado opre.

Gadje so sas pe angluni ceremonia chuddinas pe ke kade but sas phendino pa rom thaj nas but vorba pa zidevura, rom phenenas lenge ke von acharnas pe kade sako bersh ke nas but vorbipe pa rom e bersh maj anglal.

S:t Jacobs khangeri si ando Kungsträdgården pala e bari scena thaj but manush aresle kote, sas mashkar 100-200 manush ande khangeri, mashkar lende rom, romnia, zidevura, gadje, terne thaj phure.

Programo las pe muzikasa khatar o romano horo ame sam Rom.

O programo sas barvalo bute vorbimasa pa holocaust thaj Eskil Frank överintentent po Levande historia pindjaradas pe thaj phendas ke nas len soha but pa rom numa ke akanak vazdena von e romen maj but sako bersh pe memoratciako djes 27 januari.

Thomas hammarberg so sas maj anglal komesioneri pe manushikane chachimata khaj europaki konsilja phendas bara kritikasa ke e rom si zhi adjes bisterde thaj dikle sar dujta klassaki grupa thaj ke trobuj te vazden e but gadje penge jakha te na avel kade feri te birin vi e rom te aven sar sa e kaver manush ande shvedicko samhälle thaj ande ljuma.

O programo sas kade shutino ke sas seriozno vorbipe thaj mashkar o vorbipe sas muzika, muzika so kerlas ke e manush birinas te reflektulin pe kodo so e manush vorbinas thaj kado sas drago e bute manushenge so sas ande khangeri.

E manush beshenas, shunenas thaj vi rovenas ande S:t Jacobs kyrka thaj kana o rom o Zdislaw Bilicki phenlas peski dadeski historia rovnas but manush ande khangeri.

E memoratcia agorisajlas kana o Hans Ulfvebrand rudzisardas anda e sa e manush so mule thaj suntelisardas e bisterde manunshengi phuv, khaj e but manush sas mudarde thaj garadine thaj vi bisterde.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".